روسیا: ئازاد کرانی مووسڵ و زەبری قورس لە داعش دەستهاتی هاو پشتی و لەخۆبوردوویی هێزی جەماوەری ئێراقی و پێشمەرگەیە
وەزارەتی دەرەوەی ڕوسیا ڕایگەیاند : ئازاد کرانی مووسڵ لە دەستی داگیرکەرانی تیرۆریست دەستهاتێکە لە لەخۆبوردویی و فیداکاری هێزی ئێراقی کە زەبرێکی قورسی لە داعش داوە.
بەپێی ڕاپۆرتی ئیرنا لەم بەیاننامەیە ڕاگەیەندراوە حەیدەر عەبادی سەرۆک وەزیرانی ئێراق وەک فەرماندەی گشتیی هێزە چەکدارەکان لە مووسڵ ئەم سەرکەوتنەی ڕاگەیاندووە .
بەیاننامەکە هەروەها دەڵێت : هەرچەند هێشتا تێکهەڵچوونی چەکدارانە لە نێوان تیرۆریستان و هێزی ئێراقی لە ئارادایە بەڵام زەبرێکی قورس لە ناوەندەکانی داعش دراوە و لەناوچوونی بە تەواوەتی تیروریستەکان لە سەرانسەری ئێراق لە ئارادایە.
وەزارەتی دەرەوەی ڕوسیا وتیشی : ئازاد کرانی مووسڵ بە بوێری و پاوەجێیی هێزی ئێراقی، هێزی حەشدی شەعبی و پێشمەرگە مسۆگەر بوو و ئەم هەوڵە مەزنە ، توانایی دەوڵەت و خەڵکی وڵاتی دۆستی ئێراقی بۆ بەرەنگار بوونەوەی تیرۆریستان نیشان دا .