فرۆکە جەنگییەکانی ئێراقی لە دووهەمین پەلاماری هاوچەشنی مانگی فڤرییەی ڕابردوو، بنکەکانی تاقمی تیروریستی تەکفیری داعشیان لە ناو خاکی سوریا لە ناوچەی مەیادین لە دەیروزوور لە نیزیکی سنوورەکانی ئێراق ، بوردومان کرد .

بەپێی ڕاپۆرتی هەواڵدەریی ڕادیۆتەلەفریۆن، وەزارەتی ناوخۆی ئێراق ڕۆژی سێ شەممە لە بەیاننامەیەک  ڕایگەیاند  :

فڕۆکە جەنگییەکانی ئێراقی  لە ئۆپراسیۆنێک دا ، شەش بنکەی تیرۆریستانی داعشیان  لە ناوچەی  مەیادینی سوریا داوەتە  بەر پەلامار  کە بووەتە  هۆی تەقینەوەی سێ ئوتوموبیلی بۆمب ڕێژکراو ، هەمارێکی   چەکەمەنی سەربازی و پشتوێنی تەقینەوە و دەیان تیرۆریستی داعشیش کوژران  .

وەزارەتی ناوخۆی ئێراق لەم بەیاننامەیەدا   ئاماژەی نەکردە  کاتی  جێبەجێ بوونی ئەم ئۆپراسیۆنە.

سەرچاوەیەک لە وەزارەتی  بەرگری ئێراقیش   ڕایگەیاند  :  پەلاماری سوپای ئەم وڵاتە بۆسەر بنکەی تیرۆریستانی داعش  بە هەماهەنگی  سوریا  ئەنجام بووە  .

فرۆکە جەنگییەکانی ئێراقی هەروەها  شوێنی  کۆبوونەوەی ئەندامانی داعش لە چەند  ناوچە  لە خاکی ئێراق لەوان  ناوچەکانی عەکاشات، عەنە و قائم  لە پارێزگەی ئەنبار یان داوەتە بەر پەلامار  کە بووەتە  هۆی تێک شکێندرانی  چل و نۆ  ئامانجی  ڕەچاو کراو لە بەرواری یازدە هەتا نۆزدەی سپتەمبەر و کوژرانی سێسەت و شەش  تیرۆریست و بریندار بوونی دەیان کەسی دیکە.