دەسەڵاتدارانی ئێراقی ، خەڵکیان بانگ کرد بۆ بەشداریکردن لە هەڵبژاردن
سەرۆک کۆماری ئێراق و سەرۆک وەزیرانی ئێراق ، چەند کاتژمێر پێش لە دەستپێکی گرینگترین هەڵبژاردنی پەرلەمانی دوای داعش، لە وتاردانێکی تەلەفزیونی دا، خەڵکی وڵاتەکەی خویان بۆ ئامادەبوون و بەشداری بەربڵاو لە بەردەم سندووقەکانی دەنگ دان بانگ کرد .
بەپێی ڕاپۆرتی ئیرنا، فواد مەعسووم، سەرۆکی ئێراق شەوی هەینی جارێکی تر لەسەر بەشداری بەربڵاوی خەڵک لە هەڵبژاردنی ئەم وڵاتە بەمەبەستی بردنەسەری ئاستی نیزامی دیمۆکراسی و فیدرالیسم لە وڵات پێداگری کرد و ڕایگەیاند: بنکەکانی بەڕێوەبردنی ئەم هەڵبژاردنە و هێزی ئاسایشی دەبێ مەرجی پێویستیان بۆ بەشداری کردنی ئاسوودەی شارومەندان لە هەڵبژاردن هەبێت .
فواد مەعسووم بە ئاماژەدان بە گرینگایەتی دەوری دەزگەی دادەڤانیی ئێراق بو پێشگیری کردن لە هەرچەشنە گزیکاری ئەگەری لە دەنگی خەڵک و گزیکاری دیکەی هەڵبژاردن، لەسەر گرینگایەتی بەڕێوە چوونی یەکەمین هەڵبژاردنی دوای پاکتاوکرانی ئێراق لە بوونی تیرۆریستان ، پێداگری کرد .
حەیدەر عەبادی سەرۆک وەزیرانی ئێراقیش بە بانگێشتنی خەڵک بۆ بەشداریکردنی چالاک و بەربڵاو لە هەڵبژاردن وتی : بەشداریی لەم خولەی هەڵبژاردن لە درێژەی تۆکمەکردنی ڕەوتی سەرکەوتن بەسەر تاقمی تیرۆریستیی داعش و کۆتایی دان بە سیاسەتی پشک بەندی لە دابەشکردنی پۆستەکانی حکومەتییە.
قۆناخی یەکەمی ئەو هەڵبژاردنانە، پێنج شەممەو هەینی ڕابردوو بۆ عێراقیانی دانیشتووی گشت وڵاتان وهەروەها هێزە ئاسایشییەکان، فەرمانبەرانی وەزارەتخانەکانی ناوخۆ و کۆمیساریای باڵای هەڵبژاردنەکان، لەسەرانسەری عێراق بەڕێوە چوو هەتا ئەمڕۆ، گشت هێزەکانی ئاسایش و کارمەندانی بەشەکانی ناوبراو لەسەر بەڕێوەچوونی هەڵبژاردنی شەفاف و بێ گەرد چڕ ببنەوە.
بڕیارە ٢٤ ملوێن و ٥٠٠ هەزار عێراقی دەنگەکانیان بۆ هەڵبژاردنی ئەندامانی پەرلەمانی نوێ، بخەنەنێو سندوقی دەنگدان.
