٦ کوژراوو بریندار لە تەقینەوەیەکی عێراق دا
ئاب 22, 2020 15:23 Asia/Tehran
لە ئەنجامی دوو تەقینەوە لە ڕۆژھەڵات و باکووری عێراق شەش کەس لە سوپاو ھێزەکانی دژەتیرۆری ئەم وڵاتە کوژران و یان بریندار بوون.
بە پێی ڕاپۆرتی بەغدا ئەلیەوم، ئێوارەی ڕۆژی ھەینی لە کاتی تێپەڕینی گەشتییەکی سوپای عێراق لە شارستانی میقدادیەی پارێزگای دیالە لە ڕۆژھەڵاتی ئەم وڵاتە، بۆمبایەکی تەنیشت جاددە تەقییەوەو بوە ھۆی بریندار بوونی سێ لەشکریی عێراق.
ڕۆژی ھەینیش لە ئەنجامی تەقینەوەیەک لە پارێزگای سەلاحەددین لە باکووری بەغدا، ئەفسەرێکی عێراقی کوژراو دوو کەسی دیکەش بریندار بوون.
چالاکیی بەرماوەکانی داعش لە ناوچە جۆربەجۆرەکانی عێراق لەوانە پارێزگاکانی دیالەو سەلاحەددین لە ماوەی مانگەکانی ئەم دواییە پەرەی سەندووە.
