بەغدا لەگەڵ ماڵی تاڵەبانی لەگفتوگۆدان بۆ دیاریکردنی رۆژی نیشتیمانی عیراق
وەزیری رۆشنبیری و گەشتوگوزار و شوێنەواری عیراق رایگەیاند، لەگەڵ ماڵی سەرکردەی کۆچکردوو، مام جەلال لە گفتوگۆدان بۆ دیاریکردنی رۆژی نیشتیمانیی عیراق، ئەوەش بەهۆی ئەوەی بەروارەکە هاوتایە لەگەڵ رۆژی کۆچی دوایی ئه‌و سه‌رکرده‌یه و بنەماڵەکەشی لەگەڵ ئەوەدا ناکۆکن.
بە پێی ھەواڵێکی وێستگە نیوز ، حەسەن نازم، وەزیری رۆشنبیریی عیراق بە رۆژنامەی سەباح-ی فەرمی عیراقی راگەیاند: "وەزاڕەتەکەمان بۆ دیاریکردنی رۆژی 3ی تشرینی یەکەم بە رۆژی نیشتیمانی عیراق هەوڵێکی زۆری داوە بۆ چەسپادنی ئەو رۆژە و تێپەڕاندنی لە پەرلەمانەوە". وتیشی: "لەماوەی رابردوودا ئەو پڕۆژەیە رەوانەی پەرلەمان کرا بۆ خوێندنەوە و دەنگدان لەسەری تا ببێتە رۆژێکی خۆش بۆ هەموو عیراقییەکان، بەڵام بەرواری رۆژەکە بووەهۆی دروستبوونی ناڕەزایی لای یەکێتیی نیشتیمانیی کوردستان بەهۆی هاوتایە لەگەڵ بەرواری کۆچی دوایی سەرکردەی کۆچکردوو و سەرۆک کۆماری پێشووی عیراق، مام جەلال تاڵەبانی".
وەزیری ڕۆشنبیریی عیراق ئاماژەی بەوەشکردووە: "لەگەڵ بنەماڵەی تاڵەبانی لە گفتوگۆداین تا ئەو کێشەیە چارەسەر بکەین".
دیاریکردنی 3ی تشرینی یەکەم بە رۆژی نیشتیمانیی عیراق، بەهۆی ئەوەیە ئەو بەروارە هاوتایە لەگەڵ کۆتایی دەسەڵاتی ئینگلیزەکان و ئازادبوونی عیراق لەساڵی 1932، به‌ڵام هاوکاتیشه له‌گه‌ڵ کۆچی دوایی مام جه‌لال، له 3ی تشرینی یه‌که‌م.
