وەزارەتی دەرەوەی عێراق کارداری باڵیۆزخانەی تورکیا لە بەغدای بانگکرد
وەزارەتی دەرەوەی عێراق بە دوای ئامادەبوونی ھاواھەنگ نەکراوی وەزیری بەرگریی تورکیا لە خاکی عێراق دا ، کارداری باڵیۆزخانەی ئەم وڵاتە لە بەغدای بانگکرد.
بە پێی راپۆرتی ھەواڵدەریی فەرمیی عێراق ( واع) ، وەزارەتی دەرەوەی عێراق دوانیوەڕۆی دوشەممە کارداری باڵیۆزخانەی تورکیا لە بەغدای بانگکرد .
بە پێی ئەم راپۆرتە ، وەزارەتی دەرەوەی عێراق ناڕەزایەتیی خۆی لە سەر ھەنگاوی خلوسی ئاکار وەزیری بەرگریی تورکیا بۆ ئامادەبوونی ھاوھەنگ نەکراو لە خاکی عێراق لە یادداشتێک دا بە کارداری تورکیا گەیاندووە .
بە پێی راپۆرتەکە ، حکومەتی عێراق ناڕەزایەتیی توندی خۆی لەم کارەی تورکیا دەربڕیوە و لە ھەمان کات دا ، ھەنگاوی وەزیری بەرگریی تورکیا لە بارەی نیازی ئانکارا بۆ دانانی بنکەی ھەمیشەیی لە باکووری عێراقی شەرمەزار کردووە .
بەغدا ھەروەھا جەختی کردووەتەوە درێژەی ئەم رەوشە ، لە گەڵ پێوەندیی دۆستانە ، پڕەنسیپی دراوسێیەتی و یاسا و پرۆتۆکۆلە ھاوپێوەندەکان یەک ناگرێتەوە .
