دیدارو و ڕاوێژی «خەتیب زادە» لەگەڵ وەزیری دەرەوەی عێراق
وتەبێژو سەرۆکی ناوەندی دیپلۆماسیی گشتی و میدیایی وەزارەتی دەرەوەی ئێران لە بەغدا لەگەڵ وەزیری دەرەوەی عێراق دیدارو وتووێژی کرد.
بە پێی ڕاپۆرتی ئیرنا، «سەعید خەتیب زادە» وتەبێژی وەزارەتی دەرەوەی ئێران لەگەڵ «فۆئاد حسەین» وەزیری کاروباری دەرەوەی عێراق سەبارەت بە گۆڕانکارییە ناوچەییەکان و پەرە پێ دانی پەیوەندیی دوو قۆڵی لەوانە بەدوادا چوون بۆ ئەو قەرزانەی ئێران کە لای عێراقەو ھەروەھا ڕێگای ئاسنی شەلەمچە بۆ بەسرەو، دوایین ڕەوشتی ھەڵوەشاندنەوەی ڤیزە لە لایەن بەغداو چۆنیەتیی ھاوکاری لە بوارەکانی دیپلۆماسیی گشتیی نێوان دوو وڵات ڕاوێژیان کرد.
«سەعید خەتیب زادە» لە میانەی پێشوازیی «سەعید سەحاف» وتەبێژی وەزارەتی دەرەوەی عێراق گەییشتە بەغداو لەگەڵ کاربەدەستانی عێراقی دیداری کرد.
وتەبێژی وەزارەتی دەرەوەی ئێران لەم سەردانەی دا جیا لە دیدارو بیروڕاگۆڕینەوە لەگەڵ «فۆئاد حسەین» وەزیری کاروباری دەرەوەی عێراق، لەگەڵ «قاسم ئەعرەجی» سکرتێری ئەنجومەنی ئاسایشت، «نووری مالیکی» سەرۆک وەزیرانی پێشوو،«شێخ ھومام حەمودی» سەرۆکی ئەنجومەنی باڵای ئیسلامیی عێراق و کۆمەڵێک لە زانایانی سوننەی ئەم وڵاتە دیداری کرد.
