SAHAR

سەرۆکی ھاوپەیمانیی سیاسیی «فەتح»ی عێراق وتی: سەقامی عێراق و شکۆمەندییەکەی بە وەدەرنانی ھێزە داگیرکەرەکانی ئەمریا نەبێت، وەدی نایەت.

بە پێی ڕاپۆرتی ئیرنا، «ھادی عامری» سەرۆکی ھاوپەیمانیی سیاسیی «فەتح»ی عێراق لە ئاھەنگی ڕێزنان لە شۆڕشی «عەشرین» واتە شۆڕشی جەماوەریی ساڵی ١٩٢٠ی عێراق دژی داگیرکەرانی بریتانی وتی: ھێزەکانی ئەمریکی لە عێراق فەرمانی زایونیەکان جێبەجێ دەکەن و ھەتا کاتێکیش لێرەن نابێ چاوەڕوانی سەقام و شکۆمەندیمان لە عێراق ھەبێت.

«عامری» لە تەواوی عێراقییەکان و لایەنە حکومەتییەکان داوای کرد کە بە مەبەستی وەدەرنانی ئەمریکا کە ھیچ بەڵگەیەکی شەرعی و یاساییش بۆ مانەوەیان لە عێراق دا بوونی نییە، ئەوپەڕی تەوژم و گوشار بەکار بێنن.

پەرلەمانی عێراق لە ٥ی ژانویەی ساڵی ٢٠٢٠ گەڵاڵەیەکی لە بارەی وەدەرنرانی ھێزەکانی ئەمریکی لەم وڵاتە پەسەند کرد.