جیاوازیە بەرچاوەکانی ھەڵبژاردنی پەرلەمانیی 2021 و 2018 ی عێراق
تەنیا 6 رۆژ تا بەڕێوەچوونی ھەڵبژاردنی پێشوەختەی پەرلەمانیی عێراق ماوە .
گرنگترین جیاوازیی دەگەڕێتەوە بۆ گۆڕانی یاسای ھەڵبژاردنەکان و لە ئەنجام دا گۆڕان لە بەڕێوەچوونی ھەڵبژاردن و ھەروەھا چەشنی دەنگدانی دەنگدەران . بە پێی یاسای نوێ کە نوامبری 2020 پەسەندکرا ، ھەڵبژاردن لە عێراق پارێزگەیی نابێت بەڵکوو دابەشدەکرێت بە بازنەی بچووکتر و بە جۆرێک لە ئاستی شارەکان .
گۆڕانی گرنگی دیکە کە بە دوای گۆڕانی یاسای ھەڵبژاردن ئەنجامبوو ، شێوازی گەیشتنی بەربژێران بە پەرلەمان و بە جۆرێک دەنگدانی جەماوەرە . لە ھەڵبژاردنی رابردوودا ، بەربژێرەکان بە پێی لیستی ھەڵبژاردنەکان دەگەیشتنە پەرلەمان ، بەڵام لە ھەڵبژاردنەکانی 10 ی ئوکتبردا ، دەنگدەران دەنگ بە کەس و تاک ئەدەن و کەسانێک کە زیاترین دەنگ بەدەست بێنن راستەوخۆ رێ دەبەنە پەرلەمان .
جیاوازیی گرنگی دیکە کە لە نێوان ھەڵبژاردنی 2021 و ھەڵبژاردنی 2018 ی عێراق دا ھەیە ، کەمبوونەوەی ژماری بەربژێران ، ھاوپەیمانیەکان و لیستەکانی ھەڵبژاردنە . 7 ھەزار و 367 کەس لە ھەڵبژاردنی ساڵی 2018 دا کاندید ببوون ، لە کاتێک دا کە لە ھەڵبژاردنی 2021 دا ئەم ئامارە بۆ 3 ھەزار و 429 کەس دابەزیوە .
جیا لەوە ، لە ھەڵبژاردنی ساڵی 2014 ژماری 27 ھاوپەیمانیی ھەڵبژاردن ، 88 لیستی ھەڵبژاردن و 205 پێکھاتە و پارتی سیاسی ئامادە بوون ، ئەم ئامارەش لە ھەڵبژاردنی ئەم جاردا دابەزیوە .
بابەتێکی دیکە ئەوەیە کە ھەڵبژاردنی 2021 ی عێراق لە ژێر چاودێری نێودەوڵەتی دا بەڕێوەدەچێت .
جنین پلاسخارت نوێنەری تایبەتی سکرتێری گشتیی رێکخراوی نەتەوەکان لەمبارەوە دەڵێ : 800 چاودێری رێکخراوی نەتەوەکان بەسەر ھەڵبژاردنی عێراق دا چاودێری دەکەن .
