SAHAR

سەرۆکی هاوپەیمانیی فەتحی عێراق وێڕای ئاماژە بە خواستی هەندێ کەس بۆ روودانی شەڕ لە نێوان گرووپە شێعەکانی عێراق، جەختی کردەوە : شەڕ لە نێوان شێعەکاندا ڕوو نادات.

هادی عامری سەرۆکی هاوپەیمانی فەتح لە عێراق، رۆژی شەممە  بەو کەسانەی کە بەدوای رودانی شەڕ لە نێوان گرووپە شێعەکانی عێراقن، وتی: ئەم شەڕە ڕوو نادات.

ئەو وتیشی: زۆر کەس بۆ پێک هێنانی شەڕ هەوڵ ئەدەن بەڵام تا کاتێ کە سەرچاوەی ئایینیمان ئایەتۆڵا سیستانی بێت، شەڕ ڕوو نادات و سەرۆکی گرووپە شێعەکان هەموویان زانا و حەکیمن.

ناوبراو باسی هەوڵدان بۆ تیرۆری مستەفا کازمی کرد و ڕوونی کردەوە: داوای لێکۆڵینەوەی ڕوون و وردمان سەبارەت بە ئەم ڕووداوە کردووە و هیچ شتێک لەم بارەوە ناشارینەوە.