کاروانێکی پێداویستییەکانی سوپای ئەمریکا لە عێراق کرایە ئامانج
نیسان 22, 2022 12:51 Asia/Tehran
سەرچاوە ھەواڵدەرییەکان باسی بە ئامانج کرانی کاروانێکی پێداویستییەکانی ھێزەکانی ئەمریکا لە عێراقیان کرد.
کەناڵی تەلێگرامیی سابرین نیوز شەوی ھەینی گرتەیەکی ڤیدیۆیی لە ھاوێژرانی نارنجۆک بەرەو کاروانێکی پێداویستییەکانی داگیرکەرانی ئەمریکی لە ناوچەی «ئەلیوسفیە»ی عێراقی بڵاو کردەوە.
ئەم کارە لە لایەن دەستەیەکی نەناسراوەوە ئەنجامی گرت کە خۆیان بە ناوی «ئەسحابی کەھف»ەوە دەناسێنن.
زۆرێک لە خەڵک و تاقمە عێراقییەکان خوازیاری کشانەوەی ھێزە تیرۆریستەکانی ئەمریکی لە خاکی وڵاتەکەیانن و پەرلەمانی ئەم وڵاتەش گەڵاڵەیەکی لە بارەی کشانەوەی ئەم ھێزانە تێپەڕاندووە. کەچی ھەتا ئێستا لەشکریانی داگیرکەری ئەمریکی خۆیان لە ڕاپەڕاندنی ئەو پەسەند کراوەیەی پەرلەمانی عێراق دەدزنەوە.
