SAHAR

سەرچاوه هەواڵییەکانی عێراق باسی هێرشی موشەکیی بۆ سەر بنکەیەکی سەربازیی تورکیایان کردووە له باکووری عێراق.

بەپێی ڕاپۆرتی ئیرنا، ئێوارەی ڕۆژی شەممە، بنکەی "زەلیکان"ی تورکیا لە پارێزگای مووسڵ بە ٤ موشەکی ١٢٢ میلی مەتری کرایە ئامانج.

تا ئێستا وردەکاری زیاتر لەبارەی ئەم تەقینەوەیە بڵاو نەکراوەتەوە.

هێزەکانی تورکیا لە بنکەی «زەلیکان» لە دەڤەری باشیک لە باکووری ڕۆژهەڵاتی مووسڵ ناوەندی پارێزگای نەینەوا جێگیرن. حکومەت و دەسەڵاتدارانی عێراق چەندین جار داوایان لە تورکیا کردووە کۆتایی بە داگیرکارییەکانی لە باکووری عێراق بهێنێت و هێزەکانی بکشێنێتەوە.

دەوڵەتی عێراق هه‌روه‌ها هێرشه‌ چه‌ندین جاره‌کانی سوپای تورکیا بۆ سه‌ر باکووری عێراق به‌ پێشێلکردنی سه‌روه‌ریی وڵاته‌که‌ی ده‌زانێ و داوای کۆتایی ھاتنیان کردووە.