بە ئامانجگرتنی کاروانی هاوپەیمانیی ئەمریکی لە عێراق
کاروانێکی پێداویستییەکانی هاوپەیمانیی ئەمریکی لە باکوری پایتەختی عێراق بووبە ئامانجی بۆمبایەکی کەناری ڕێگا.
دوای پەسەندکراوەکەی پەرلەمانی عێراق بۆ دەرکردنی سەربازە ئەمریکییەکان لەو وڵاتە و خاوجوڵانەوەی بەغدا لەم بوارەدا، ئەو کاروانانەی پشتیوانیی هاوپەیمانی ئەمریکی دەکەن، ھەموو حەوتەیەک و هەندێکجاریش لە ماوەی ڕۆژێکدا چەند جارێک بە بۆمبی کەناری ڕێگاکان دەکرێنە ئامانج.
بەگوێرەی راپۆرتی ماڵپەڕی شەفەق نیوز، بەرەبەیانی ئەمڕۆ پێنجشەممە، چەند بارهەڵگرێک کە پاڵپشتی و کەرەستەی سەربازیی سەر بە هاوپەیمانیی دژە داعشی ئەمریکییان هەڵگرتبوو، بە بۆمبایەکی کەناری ڕێگاکان لە باکووری بەغدا کراونەتە ئامانج.
تەقینەوەکە لەسەر ڕێگای ناوچەی "ئەلتاجی" بۆ بەغدا ڕوویداوە و هیچ زیانێکی گیانی نەبووە.
زۆرێک لە خەڵک و گروپە خۆڕاگرەکان ڕایانگەیاندووە کە ئەگەر هێزی ئەمریکی لەم وڵاتەدا ئامادەبن بەمافی خۆیان دەزانن ڕووبەڕووی دەستدرێژکاران و داگیرکەران ببنەوە.
