هێرشی ئاسمانیی عێراق بۆ سەر بنکەکانی داعش لە باکووری بەغدا
حوزه‌یران 18, 2023 14:51 Asia/Tehran
فڕۆکەشەڕکەرەکانی سوپای عێراق بنگەکانی تاقمی تیرۆریستیی داعشیان لە باکووری بەغدا کردە ئامانج.
بەگوێرەی ڕاپۆرتی کەناڵی هەواڵدەریی ئەلغەدیر، ڕۆژی شەممە، فڕۆکەشەڕکەرەکانی سوپای عێراق بنکەکانی تاقمی تیرۆریستیی داعشیان لەسەر ڕێگای «ئەلشەت» لە ناوچەی «ئەلتارمیە» لە باکووری پایتەخت بۆردومان کرد و لەم هێرشە ئاسمانیەدا ٤ ئەندامی تیرۆریستانی داعش تیاچوون.
سەرکردایەتیی ھەڵمەتەکانی حەشدی شەعبی لە بەغدا حەوتەی ڕابردوو ڕایگەیاند: هێزەکانی حەشد توانیویانە "والیی داعش" لە بەغدا و چوارکەس لە هاوڕێکانی لە ناوچەی «تارمیە» لە باکوری بەغدا لە میانی ئۆپەراسیۆنێکی ئەمنیدا لەنێوبەرن.
هێزە ئەمنییەکانی عێراق بەردەوامن لە گەڕان و پاککردنەوە و بەدواداچوون بۆ پاشماوەکانی داعش لە سەرتاسەری وڵاتدا بۆ دڵنیابوون لەوەی کە داعش و ئەندامە تیرۆریستەکانی جارێکی تر سەرهەڵنادەنەوە.
