SAHAR

دوابەدوای هێرشی فڕۆکە جەنگییەکانی ئێف 16ی سوپای عێراق بۆ سەر حەشارگەی پاشماوەی تاقمی تیرۆریستی داعش، ئەمڕۆ هێزە عێراقییەکان ئۆپەراسیۆنێکیان لە ناوچەی نێوان پارێزگاکانی کەرکوک و سەڵاحەدین دەستپێکرد،

 سەرچاوەیەکی ئەمنی عێراقی ڕایگەیاند: هێزە عێراقییەکان ئۆپەراسیۆنێکیان   لە  میحوەری ڕۆژئاوای "ئەلزەرقا" دەس پێکردووە ، ئەمەش دوای ئەوە ڕوویدا کە شەوی ڕابردوو فڕۆکە جەنگییەکانی ئێف ١٦ی عێراق حەشارگەی تیرۆریستانیان لەم ناوچەیە بۆردومان کرد. بەگوێرەی زانیارییە سەرەتاییەکان، سەرجەم سەرکردەکانی داعش لەم حەشارگەیەدا کوژراون، سەرچاوەیەکی عێراقی ڕایگەیاند: مەبەست لە دەستپێکردنی ئەم ئۆپەراسیۆنە لەلایەن هێزە عێراقییەکانەوە، گەیشتن بە تەرمی تیرۆریستان و زانینی ناسنامەیان بووە، هەروەها دۆزینەوەی حەشارگەی دیکە لە نزیک شوینه بۆردومانکراوەکە بووە