داعش بیانووی ئەمریکایە بۆ بەردەوامیی داگیرکاری لە عێراق
ڕێبەرانی پارت و گرووپە عێراقییەکان ڕایانگەیاندووە کە بوونی داعش لەناو خاکی عێراق بیانوویەکە بۆ بەردەوامی داگیرکارییەکانی ئەمریکا بۆ سەر ئەو وڵاتە و گەلی عێراقیش بەردەوامن لە دژایەتیکردنی ئەم داگیرکارییە
یەکێک لە ڕێبەرانی گرووپێکی چەکداری عێراقی ڕایگەیاند، دانوستانەکانی حکومەت لەگەڵ ئەمریکا سەبارەت بە کۆتایی هێنان بە ئەرکەکانی هێزەکانی هاوپەیمانی نێودەوڵەتی لە عێراق بێ کەڵک بووە، چونکە واشنگتۆن بە بیانووی بەرەنگاربوونەوەی تیرۆر و پاراستنی ئاسمانی عێراق لە دەستدرێژیی دەرەکی، بە توندی فشار دەخاتە سەر بەغدا بۆ ئەوەی هێزەکانی هاوپەیمانی نێودەوڵەتی لە عێراق بمێنێتەوە، لە کاتێکدا داعش درۆیە و هەڕەشە نییە بۆ سەر عێراق و تەنها بیانوویەکه بۆ بەردەوامی مانەوە ی ئەمەریکا .
لە بەرامبەردا باسم عەوادی وتەبێژی حکومەتی عێراق جەختی لەوە کردەوە کە عێراق پابەندە بە ڕێککەوتنەکانی پێشووی لەگەڵ هێزەکانی هاوپەیمانی نێودەوڵەتی و دەبێت لە کاتی خۆیدا عێراق بەجێبهێڵن
. لەمبارەیەوە عەلی ئەلبەنداوی، ئەندامی لیژنەی ئاسایش و بەرگری لە پەرلەمانی عێراق ڕایگەیاند: حکومەت بە دوای جێبەجێکردنی ڕێککەوتنی دەرکردنی هێزەکانی هاوپەیمانی نێودەوڵەتییە لەسەر بنەمای ئەو بەروارانەی کە پێشتر ڕێککەوتنیان لەسەر کراوە، بەڵام ئەمریکا داعش بە بیانوو دەزانێت بۆ مانەوەی لە عێراق عەلی سەباهی، بەرپرسێکی ناوەندی ئەلرەفد سەر بە بزووتنەوەی ئەلنوجەبا، هەروەها ڕایگەیاندووە: هەموو ئەو بەرپرسە ئەمریکیانەی کە لەگەڵ ڕێبەرانی فراکسیونەکان و حکومەت دیدار دەکەن هۆشداری دەدەن لە مەترسی داعش. پێدەچێت ئەمریکا پابەندی ڕێککەوتنەکە نەبێت و لە عێراق بمێنێتەوە و ئەگەر لە دەرگاکە بچێتە دەرەوە لە پەنجەرەکەوە دێتەوە ناو ژوورەوە بۆ ئەوەی بەرژەوەندییەکانی لە ڕۆژهەڵاتی ناوەڕاستدا مسۆگەر بکات.
