حەکیم: ئێران و عەرەبستان لە پتەوکردنی پەیوەندییەکاندا، سەرچەشن بن بۆ وڵاتانی دیکە
سەرۆکی ڕەوتی حیکمەتی نیشتمانیی عێراق وتی: پێشوازی لە پتەوکردنی پەیوەندی نزیکی وڵاتانی ناوچەکە و بەتایبەت کۆماری ئیسلامی ئێران و عەرەبستان دەکەین، بۆ ئەوەی ئەم دوو وڵاتە بتوانن سەرچەشن بن بۆ وڵاتانی دیکەی عەرەبی و ئیسلامی لە پتەوکردنی پەیوەندییە نێودەوڵەتییەکان و ببن بە بوارێکی ڕاستەقینە بۆ بەرژەوەندییە ستراتیژییە هاوبەشەکان
. هەروەها سەید عەمار حەکیم، سەرۆکی ڕەوتی حیکمەتی نیشتمانیی عێراق، لە ساڵیادی کۆچی دوایی سەید عەبدولعەزیز حەکیمدا وتی: "ئەمڕۆ پیاوێکمان لەبیرە کە لە مەیدانەکانی جیهاد و شەڕ بە دژی ستەم و ستەمکاریدا ژیاوە، و تەمەنی شەریفی خۆی لە ڕێگای ڕزگارکردنی عێراقییەکان و بەڕێوەبردنی وڵاتەکەیان بۆ پاراستنی سەروەری نیشتمانی وڵاتەکەی تێپەڕ کردووە ". ناوبراو ڕوونیشی کردەوە: سەید عەبدولعەزیز ئەلحەکیم شێلگیر و ڕاوەستاو بوو لە بەرزڕاگرتنی کەرامەتی عێراقییەکان و هەرگیز نەیهێشت هیچ دەسەڵاتێکی دەرەکی زاڵ بێت بەسەر بڕیارەکانیان یان کەمکردنەوەی سەروەری وڵاتەکەی دا .
