عامری: شەڕهەڵخڕاندنی ئەمریکا ئاگر بەردەداتە ناوچەکە
نیسان 02, 2025 16:45 Asia/Tehran
سکرتێری گشتی ڕێکخراوی بەدری عێراق جەختی کرد هەر چەشنە شەڕنانەوەی ئەمریکا ئاگر بەردەداتە سەرانسەری ناوچەکە.
هادی ئەلعامری سکرتێری گشتی ئەم ڕێکخراوە عێراقییە وتی: شەڕهەڵخڕاندنی ئەمریکا لە ناوچەکە کارێکی هاسان یان بۆ ڕابواردن نییە، بەڵکوو ئاگرێکە کە هەموو ناوچەکەی پێوە دەبێ.عامری لە دیداری سەرۆک هۆزەکانی پارێزگای دیالە لە بنکەی فەرماندەرایەتی ئۆپەراسیۆنەکانی حەشدی شەعبی لەم پارێزگایەدا وتی: ئەو بۆچوونەی کە بێتوو ئەمریکا دەستدرێژی بکاتە سەر ناوچەکە، عێراق لە ئەمن و ئەماندا دەبێت، تەواو هەڵەیە.
