شەڕی هەمەلایەنە دژی حەشدی شەعبی ؛ بڕینی مووچە هاوکات لەگەڵ شەڕی میدیایی و تیرۆرکردنی فەرماندەکان
سەرەڕای ڕۆڵی دیار و بەرچاوی هێزەکانی حەشدی شەعبی عێراق لە بەرگریکردن لە وڵات لە بەرامبەر مەترسییەکانی تیرۆریزمی تەکفیری، لە چەند مانگی ڕابردوودا فشارەکان بۆ سەر حکومەتی بەغدا زیادی کردووە بۆ هەڵوەشاندنەوەی هێزەکانی حەشدی شەعبی و لەم دواییانەشدا جگە لە هەڕەشەی تیرۆرکردنی بەرپرسانی باڵا، پێدانی مووچەی فەرماندە و هێزەکانیشی ڕاگیراوە .
لە ساڵانی شەڕی حکوومەت و نەتەوەی عێراق لەگەڵ گرووپە تیرۆریستییەکانی ئەم وڵاتە، هێزە خۆبەخشەکانی حەشدی شەعبی بەرپرسی بەشێکی گرنگی پێکهاتەی ئەمنی و سەربازیی عێراق بوون لە شەڕی داعش و ڕەوتە تەکفیرییەکانی دیکەدا. بەڵام لە چەند مانگی ڕابردوودا گوشارەکان بۆ سەر حکومەتی عێراق زیادی کردووە بۆ هەڵوەشاندنەوەی حەشدی شەعبی و ڕاگرتنی چالاکییەکانی. "مەهنەد ئەلعەقابی" بەڕێوەبەری ڕاگەیاندنی حەشدی شەعبی وێڕای ئاماژەدان بە مێژووی درەوشاوەی کردەوەی ئەو هێزە لە بەرگریکردن لە یەکپارچەیی خاکی عێراق لە بەرامبەر داگیرکەران و ڕەوتە تەکفیرییەکان، دەڵێت: "لەگەڵ تێکەڵکردنی چەکدارانی حەشدی شەعبی لە پێکهاتەی سوپا و پۆلیس و هێزە تایبەتەکانی بەرەنگاربوونەوەی تیرۆر، ئەم پێکهاتە سەربازی و ئەمنی و هەواڵگرییانە بەهێزتر کران کە بە بڕوای چاودێرانی ناوچەیی و نێودەوڵەتی، دۆخی ئەمنی عێراق لە مانگی ژوئەنی ٢٠١٤ەوە پێشکەوتنێکی بەرچاوی بەخۆیەوە بینیوە”. "مۆرتەزا عامری"، بەرپرسێکی باڵای حەشدی شەعبی بە ئاماژەدان بە هێرشە توندەکانی میدیایی دژی چالاکیی و خزمەتگوزارییەکانی حەشدی شەعبی لە نێو بیروڕای خەڵکی عێراقدا، دەشڵێت: "کۆمەڵگەی عێراق گرینگی نادات بە ئەم هەڵمەتە میدیاییانەی دژی حەشدی شەعبی ". پابەندبوونی هێزە خۆبەخشەکانی حەشدی شەعبی عێراق لە ماوەی ساڵانی بەرەنگاربوونەوەی گرووپە تیرۆریستییەکان بووە هۆی دروستبوونی پەیوەندی قووڵ و ڕیشەدار لە نێوان فەرماندە و خەباتکارانی حەشدی شەعبی لە گەڵ سەرانی هۆز و عەشیرەکانی عێراق لە ناوەڕاست و باشووری ئەو وڵاتە. کەریم ئەلکەنانی، وتەبێژی حەشدی شەعبی ڕایگەیاند: ئێستا حەشدی شەعبی عێراق بەشێکن لە پێکهاتەی هێزە چەکدارەکانی عێراق. هێزی ئیستکباری جیهانی هەوڵ ئەدەن هێزێک کە لە بەرژەوەندی حکومەت و گەلی عێراق کاردەکات بێ بایخ و بێ ئیعتبار بکەن ، ئەوەش هێزێک کە لە ماوەی خولی درێژخایەنی شەڕ بە دژی داعشدا بۆ لاگری لە پیرۆزاییەتیەکان و نیشتمان دامەزرا وهەر لەبەر ئەوەش ئامانجی هێرشی میدیا یی و سەربازی و سیاسیە.
