خۆڕاگریی عێراق: لەگەڵ هیچ لایەنێکی دەرەکی سەبارەت بە چەکداماڵین قسە ناکەین
شەش گرووپی خۆڕاگری عێراق ڕایانگەیاند: لەگەڵ هیچ لایەنێکی دەرەکی سەبارەت بە چەکداماڵین قسە ناکەین و وتووێژ لە گەڵ حکومەتیش مەرجدارە بە کۆتایی هاتنی داگیرکەریی لە عێراق .
شەش گرووپی چەکداری سەر بە هێزەکانی خۆڕاگری عێراق بە دەر کردنی بەیاننامەیەک بە ناوی "هەماهەنگیی بەرخۆدان" ڕایانگەیاند: سەبارەت بە چەکداماڵین لە گەڵ هیچ لایەنێکی بیانی وتووێژ ناکەین و مەرجی "بەدیهێنانی سەروەریی تەواوی وڵات" بە پێشەکی هەر گفتوگۆیەک لەگەڵ حکومەت لەو بارەیەوە دەزانین . لەم بەیاننامەیەدا، کە واژۆی شەش گروپی خۆڕاگری عێراقی لەسەرە، لە ساڵیادی شەهیدبوونی حاج قاسم سولەیمانی و حاج ئەبومەهدی موهەندیس و یاوەرەکانیان کە بە شەرەف و سەربەرزییەوە و بە دەستی ئەمریکای جەنایەتکار شەهید کران جەخت لەوە دەکەینەوە کە ئێمە لەسەر ڕێگای ئازادیخوازان دەمێنینەوە و خوێنی شەهیدان و فیداکاریی ئەوان بەردەوام ڕووناکی ڕێگامان دەبێت و ئەمانەتێک لەسەر شانمان و لەسەر شانی هەموو مرۆڤە بەشەرەفەکانە هەتا ڕۆژی قیامەت. لەو بەیاننامەیەدا هاتووە : بەم بۆنەوە داوا لە حکومەتی داهاتووی عێراق دەکەین کە هەوڵ بدات بۆ چارەسەر کردنی پرسەکانی وەک شەفافیەت و جیددی بوون لە پێشکەشکردنی خزمەتگوزاری بە گەلی فیداکار وبەئەمەگی عێراق و کۆتاییهێنان بە ئامادەبوونی داگیرکەرانی بیانی لە خاک و ئاسمانی عێراق و ڕێگریکردن لە هەر کنەیەکی دەرەکی لە ئاستی سیاسی و ئەمنی و ئابوورییدا .
