پڕۆفسۆر مەسعوود گوڵزاری کەسایەتی ناسراوی کۆنینەناسی و مێژووی ئێران و مامۆستای مێژوو و مێژووی هونەری ئێران کۆچی دوایی کرد.

بە پێی  ڕاپۆرتی ئاژانسی هەواڵی مێهر، ئەو مامۆستا بەناوبانگەی مێژووی ئێران و کورد ناسی ناسراوی کرماشانی ، ئەمڕۆ دووشەممە ٦ ی گەلاوێژی 1399 هەتاوی لە تەمەنی 86 ساڵیدا  کوچی دوایی کرد.

پڕۆفسۆر مەسعوود گوڵزاری نووسەر و وەرگێڕ و ئەدیتۆری بەرهەمی زۆر لە بواری کۆنینەناسی و مێژووی ئێران و وێژەی منداڵ و تازەلاوان بوو.

بەرهەمەکانی ئەو مامۆستایە لە ڕیزی بەنرخترین سەرچاوەکانی زانکۆ لە لێکۆڵینەوەی مێژوودان.

یەکێک لە کتێبەکانی ناوبراو لە ژێرناوی "کوردستان و کرماشان"، لەڕیزی یەکەم ئاسەوارە گشتیە زانستییەکان بۆ ناساندنی ئاسەواری کۆنینەناسی و فەرهەنگی-مێژووی کوردستان و کرماشانە.