سەرکونسوڵی کۆماری ئیسلامیی ئێران لە سلێمانی لە رێوڕەسمی سی و چوارەمین ساڵیادی کارەساتی کیمیابارانی هەڵەبجە بەشداری کرد.

«مەهدی شوشتەری» سەرکونسوڵی کۆماری ئیسلامیی ئێران لە سلێمانی ڕۆژی چوارشەمە ١٦ی ئازاری ٢٠٢٢ی زاینی لە سەردانێکیدا بۆ هەڵەبجە بەشداری کرد لە رێوڕەسمی سی و چوارەمین ساڵیادی کارەساتی کیمیابارانی ئەو شارە لە لایەن ڕژێمە ڕوخاوەکەی سەددامی دیکتاتۆری پێشووی عێراق.

ئەم رێورەسمە بە ئامادەبوونی «ئازاد تۆفیق» پارێزگاری هەڵەبجەو ژمارەیەک لە بەرپرسانی پارێزگا و نوێنەرانی حیزب و لایەنە سیاسیەکان و بەشێکی زۆر لە خەڵکی ئەو پارێزگایە بەڕێوەچوو.

سەرکونسولی کۆماری ئیسلامیی ئێران بەئامادەبوون لە مەزاری شەهیدان وخوێندنی فاتیحە یادی قوربانیانی ئەو کارەساتەی بەرز راگرت.