دەستپێ بوونی چالاکیی پێشانگای نێودەوڵەتیی کتێبی ئەستەمۆڵ بە ئامادەبوونی پەخشکارە ئێرانییەکان
سی و نۆیەمین پێشانگای نێودەوڵەتیی کتێبی ئەستەمۆڵ بە ئامادەبوونی پەخشکارانی ئێرانی دەستی پێکرد.
سی و نۆهەمین پێشانگای نێودەوڵەتیی کتێبی ئەستەمۆڵ، بە ئامادەبوونی پەخشکارانی ئێران، ئاڵمانیا، ئیماراتی یەکگرتووی عەرەبی،ڕۆمانیاو وڵاتانی دیکە، لە سێ بەشی پێشانگایی (تایبەت بە نمایشکردن و فرۆشتنی کتێب)،بەشی نێودەوڵەتی(تایبەت بەناساندن و ئاڵوگۆڕی مافی چاپی کتێب)و بەشی ڕووداوەکان (تایبەت بە جێبەجێکردنی بەرنامەی جۆراوجۆری ئەدەبی و کولتووری) بە گرنگیدان بە ئەدەبیاتی فانتازیا و زانستی و خەیاڵی، لە دوێنێ شەممە ٣ی دیسامبەرەوە دەستی پێکرد.
بە پێی ڕاپۆرتی هەواڵدەریی ڕادیۆو تەلەفزیۆنی ئێران، یانەی کتێب و ئەدەبی ئێران، بە نوێنەرایەتیی پیشەی چاپ و بڵاوکردنەوەی وڵات، لەم پێشانگایەدا زیاتر لە ٢٧٥ کتێبی ناساندی لە بوارەکانی ئەدەبی کلاسیک و ھاوچەرخ، ئەدەبی تەمەنداران و منداڵان و تازەلاوان، ھونەر، زانکۆیی، ئێرانناسی، ئەدەبی خۆڕاگری، بەرەڤانیی پیرۆز و ئایین پێشکەش کردووە.
ناساندنی «پلانی گەرەنت»، «پلانی تاپ» و فێرکردنی زمانی فارسی لە بەرنامەکانی ژووری ئێران دەبێت.
ناوەندی ڕێکمەند کردنی وەرگێڕان و چاپ و بڵاوکردنەوەی بابەتگەلی پەیوەست بە پەروەردەی ئیسلامی و زانستە مرۆڤیەکانیش لەم خولەی پێشانگای نێودەوڵەتیی کتێبی ئەستەمۆڵ لە ژووری کۆماری ئیسلامی ئێران دا بەشدارە.
یانەی کتێبی ئێران ھەتا ئێستا لە خولەکانی سی و دوو ھەتا سی و ھەشت بە نوێنەرایەتیی پیشەی چاپ و بڵاوکردنەوەی وڵات بەشداریی پێشانگای نێودەوڵەتیی کتێبی ئەستەمۆڵی کردووە.
بەشی نێودەوڵەتیی سی و نۆھەمین خولی پێشانگای نێودەوڵەتیی کتێبی ئەستەمۆڵ ھەتا ٦ی دیسامبەری ٢٠٢٢ بەردەوام دەبێت.
