بڵاوبوونەوەی ڤایرۆسی تازە لە غەززە
بەرێوەبەری کۆگەی پزیشکی شەفا لە کەرتی غەززە لە بارەی بڵاوبوونەوەی ڤایرۆسێکی تازە ونەناسراو لەم کەرتە هۆشداری داو پیداگرت کە نەبوونی ئامێری دیاری کردن ودەرخستنی ڤایرۆسکە ، دۆخەکەی قەیراناوی تر کردووە.
دکتۆر " محەممەد ئەبو سەلیمە" وتی: ڤایرۆسێک لە ناو دانیشتوانی کەرتی غەززە خەرێکە بڵاودەبێتەوە کە ئێمە ئامێریکمان بۆ ناسران ودیاریکردنی هۆکەی لە بەردەست دانیە.
دانیشتووانی غەززە لە ڕەنج وئازاری بەدخۆراکی دان کە بووەتە هۆی دابەزینی به رگری جەستەیان. ئەم دۆخە ، لە پاڵ نەبوونی ئاوی خواردنەوەی خاوین، دۆخەکەی قەیراناویتر کردووە.
هەرلەم حاڵەدا ڕێکخراوی نەتەوە یەکگرتووەکان ئەم دواییانە هۆشداری جیدی داوە کە زیاتر لە ٥٠٠ هەزارکەس لەغەززەلەگەڵ قات وقڕی ڕووبەڕوون و گیانیان لە مەترسی دایە. هەروەها لە درێژەی پشتیوانی جیهانی لە خەڵکی غەززە کۆپاپۆڕی یارمەتیەکانی مرۆڤ دوستانە کە داگری چەند گەمیی وچالاکانێک لە وڵاتانی جۆربەجۆرە، حەرەکەتی خۆیان لە بارسلون بەرەو لێوارەکانی غەززە دەستپێکردووە. ئەم کۆپاپۆڕە هەڵگری ٧٠گەمیی، گەورەترین پاپۆڕێکە کە هەتا ئێستاکە بەرەو غەززە حەرەکەتی کردووە ودەتوانێ بۆ ڕژێمی زایۆنی نەتەنیا لە باری سیاسی، بەڵکو لەباری سەربازیش کێشە وئاستەنگێک بێتە ئەژمار.
کابینەی ڕژێمی زایۆنی دوابەدوای ئەم حەرەکەتە گەورە جیهانیە ، کۆبوونەوەیەکی تایبەتی پێکهێنا. مەبەست لەم کۆبوونەوەیە لێکدانەوەی گەڵاڵەی ئۆپراسیۆنانە بۆ بەربەرەکانێ لەگەڵ پاپۆڕێکی گەورەیە کە لە چوارشوینی بارسلونا ، سیسیل ، یونان وتۆنیس نێردراون بۆ غەززە.
