ناتانیاهۆ بەنیازی کشانەوە لە بەرامبەر ئۆپۆزسیۆن دا نییە
هەرچەندە سەرچاوە زایۆنییەکان دوای خۆپیشاندانی ٧٥٠ هەزار کەسیی دژ بە ناتانیاهۆ، هەڵپەساردنی پلانی بەناو چاکسازیی دادوەرییان ڕاگەیاند، بەڵام هاوپەیمانیی دەسەڵاتدار هەنگاو بە هەنگاو بەردەوامە لە پێشخستنی پلانەکەی.
دوابەدوای خۆپێشاندانی ٧٥٠ هەزار کەسی لەدژی ناتانیاهۆ و پلانی بەناو دادەوانی کە خۆپیشاندەران بە کودەتای دادەڤانی ناوی دەبەن، هەندێک لە سەرچاوە زایۆنییەکان هەڵپەساردنی کاتیی ئەم پلانەیان ڕاگەیاند، کەچی دەستبەجێ دوای ئەوە کۆمەڵێک لە لایەنگرانی ناتانیاهۆ ڕژانە سەر شەقامەکان و داوای بەردەوامیی چاکسازییەکانی دادوەرییان کرد.
بەپێچەوانەی خۆپیشاندەران، لایەنگرانی ناتانیاهۆ پاڵپشتی پۆلیسیان هەیە و لە پێواری ئامادەبوونی پۆلیسدا، بە داخستنی شەقامەکانی تەلەبیب، پاڵپشتی ئەوە بابەتەیان کرد کە حکومەتی ناتانیاهۆ وەک چاکسازیی دادوەری باسی دەکات.
بەو کارەی ناتانیاهۆ لە مەڕ لەشکرکێشان بۆ سەر شەقام و بازاڕ، کەلێنی سیاسی لە ئیسرائیل قووڵتر بووەتەوە و ئەگەری پەنابردن بۆ توندوتیژی و ململانێ زیاتر دەبێت.
ناتانیاهۆ کە ساڵانێکە بە تۆمەتی گەندەڵی و بەرتیل و خیانەت دادگایی دەکرێت، بەنیازە بە "چاکسازیی میکانیزمی دادوەری" لە دادگاییکردن خۆی دەرباز کات.
لە گەڵاڵەکەی کابینەی ناتانیاهۆ کە بە «ڕیفۆرمی یاسای دادەوانی» ناسراوە، زایۆنییەکانی دیکە وەک کودەتایەکی دەستوری لێکی دەدەنەوە، دەسەڵاتەکانی سیستەمی دادەوانیی ئەم ڕژێمە کەم دەبێتەوە و دەسەڵات و پێگەی دەسەڵاتی جێبەجێکارو یاسادانان لەم ڕژێمەدا بەهێزتر دەبێت.
لەم پلانەدا دەسەڵاتی ڕاوێژکاری دادەوانیی کابینەی ڕژێمی زایۆنی و هەروەها دەسەڵاتی ڕاوێژکارانی دادەوانیی وەزارەتەکانی دیکەی ئەم ڕژێمە دەسەندرێتەوەو وەزیر دەستەڵاتی ئەوەی دەبێت کە ھەر ڕاوێژکارێکی دادەوانی کە خۆی بیھەوێت لە نووسینگەکەی دا دابنێت و یان لە پۆستەکەی دووری خاتەوە.
ئەوەی وا لە ئێستادا بە چاکسازیی دادوەری لێک دەدرێتەوە، لە ڕاستیدا جۆرێکە لە ڕێککەوتنی نێوان ناتانیاهۆ و لایەنە توندڕەوەکان و کەسایەتییەکانی پێکهێنەری کابینەی نوێ کە لەسەر بنەمای ئەو ڕێکەوتنە ناتانیاهۆ لە پەیگەڕو دادگاییکردن لە بەر دۆسیە فراوانەکانی دەرباز دەبێت و لایەنە ڕاستڕەوەکانیش دەستیان بە ئامانجە حیزبیەکانیان ڕادەگات.
