هێزە ئاسایشیەکانی بەحرێن رۆژی هەینیش لە 66 مین حەوتەی بەدوای یەکدا ، رێگایان گرت لە بەرپاکرانی نوێژی هەینی لە ناوچەی گەمارۆدراوی «الدُراز» ی مەنامە .

 بەپێی راپۆرتی هەواڵدرەری فارس بە گێڕانەوە لە سەرچاوە بەحرێنیەکان ، بەدوای رێگری کردنی هێزە ئاسیشیەکانی بەحرێن لە بەڕێوەچوونی نوێژی هەینی لە ناوچەی «الدُراز» شوێنی نیشتەجێ بوونی شێخ عیسا قاسم زانای ئایینی هەڵکەوتەی بەحرێن ، خەڵک نوێژی خویان لە  مزگەوتی ئیمام سادق (ع) بەڕێوەبرد .

لە هەمان کاتدا ناڕازیان بە رژێمی ئالی خەلیفە دوای بەرپاکردنی نوێژی هەینی ، لە ناوچەی «الدُراز» دەستیان دایە خۆپێشاندان . زیاتر لە 15 رۆژە ماڵی شێخ عیسا قاسم لە گەمارۆی هێزە ئاسایشیەکان دایە . ناوچەی «الدُراز» یش 45 رۆژە لە گەمارۆی هێزە ئاسایشیەکانی بەحرێن دایە .

لە ژوئەنی 2015 وە رژێمی ئالی خەلیفە بە سەندنەوەی مافی هاووڵاتی بوون لە سێخ عیسا قاسم ، ناوچەی «الدُراز» شوێنی نیشتەجێ بوونی ئەم زانا هەڵکەوتەی گەمارۆداوە .

بەحرێن لە شوباتی 2011 وە گۆڕەپانی ناڕەزایەتی ئاشتیانەی جەماوەریە . رژێمی ئالی خەلیفە لە جیاتی وڵامدانەوە بە داواکاریەکانی جەماەر ، توندکردنی سەرکوتکاری و گرتنی بەرفراوانی بەحرێنیەکان و ئەشکەنجەدانی ئەوانی خستووەتە بەرنامەی کاری خۆی .