SAHAR

یەکەی مووشەکیی سوپا و هێزی جەماوەریی یەمەن، شوێنی کۆبوونەوەی بەکرێگیراوانی سعودییان لە پارێزگەی تەعز لە باشووری ڕۆژاوای یەمەن بە مووشەک پێکا .

بەپێی  ڕاپۆرتی ڕۆژی  هەینیی ئەلعالەم،  هێزی یەمەنی هەروەها هەوڵی بەکرێگیراوانی سعودیان لە پارێزگەی مەئریب لە ناوەڕاستی یەمەن پووچەڵ کردەوە و ژومارێک لەوانیان کوشت و بریندار کرد.

سوپای یەمەن لە دوێنێ  پێنج شەممەوە تائێستا دەیان  سەرباز و بەکرێگیراوی سعودیان  لە ناوچە جۆربەجورەکانی  یەمەن کوشتووە.

بەپێی هەواڵێکی تر لە یەمەنەوە  ساڵح سەماد  سەرۆکی ئەنجومەنی باڵای  سیاسی یەمەن پێداگری کرد : بزووتنەوەی ئەنساروڵڵا ئامادەی هاوکارییە بۆ دامەزراندنی ئاشتی لە یەمەن  بەڵام  تەسلیم  نابێت  .

ساڵح سەماد  هەروەها  هەموو هێزەکانی سیاسی یەمەنی  بۆ وتووێژ لەژێر چاوەدێری  ئەنجومەنی نوێنەران بانگ کرد .