زایونیەکان خوازیاری دەس لە کار کێشانەوەی نتانیاهۆ بوون
نوێنەرێکی (کەنیست) پەرلەمانی ڕژیمی زایونی و سەرۆکی پارتی کاری ئەو ڕژیمە خوازیاری واز لە کار هێنانی خێرای بنیامین نتانیاهۆ سەرۆک وەزیرانی ڕژیمی زایونی بوون .
پولیسی ڕژیمی زایونی ڕۆژی چوارشەمە بەفەرمی بنیامین نتانیاهوی تاوانبار کرد بە وەرگرتتی بەرتیل و خەیانەت لە ئەمانەت .بە گوێرەی ڕاپۆڕتی ناوەندی هەواڵدەریی فەلەستین مێدیا زایونیەکان ڕایانگەیاند بە دوای ڕاسپیریەکانی ڕۆژی ڕابردووی پولیس لە مەڕ دادگاییکرانی نتانیاهو لە دادگا بە تاوانی گەندەڵی و وەرگرتنی بەرتیل یائیر لەبید " ئەندامی (کەنیست) پەرلەمانی ڕژیمی زایونی و ئاوی گبای " سەرۆکی پارتی کار خوازیاری دەس لە کار کێشانەوەی خێرای ناوبراو بوون . ئەو نوێنەرەی کەنیستی ڕژیمی زایونی وتی تەنانەت ئەگەر یاساش نتانیاهۆ ناچار بە دەس لە کار کێشانەوە نەکات کەسێ کە ئەو هەموو تومەتەی لێدراوە ناتوانێ وەک سەرۆک وەزیران چالاکی بکات و دەبێ واز لە کار بێنێ . سەرۆکی پارتی کاریش وتی : بە هۆی بیروڕاگۆڕینەوە و لێکوڵینەوەکان خولی سەرۆکایەتیی نتانیاهۆ بەسەر هاتووە و زەبرێکی زۆریشی لە یاسا و دامەزراوە دادەوانیەکان داوە .گرینگترین دۆسیەی گەندەڵی دارایی کە سەبارەت بە نتانیاهۆ دێتە ئاراوە وەرگرتنی یەک ملوێن دولار لە ئارناد میمیران گەندەڵکاری ئابووریی فەڕانسەیە کە دەوترێ بو پڕوپاگەندەی سەرۆک وەزیرایەتی نتانیاهۆ خەرج کراوە . سەرۆک وەزیرانی ڕژیمی زایونی هەروەها بە هۆی کڕینی سێ ژێر دەریایی لە ئاڵمان بە بایی زیاتر لە یەک ملیار دولار لێپێچینەوەی لێ کراوە .
