زایۆنییەکان بە لێدان لاوێکی فەلەستینیان خستە نەخۆشخانە
ژمارێک لە شارۆچکەنشینانی زایۆنی لە دوایین پەلاماری خۆیاندا دژ بە شاروومەندانی فەلەستینی لە شاری داگیرکراوی قودس، لاوێکی فەلەستینیان دایە بەر کوشتن و لێدان.
بە پێی ڕاپۆرتی کەناڵی ئەلعالەم؛ کوشتن و لێدانی ئەم لاوە فەلەستینییە کە ڕۆژی پێنجشەممە ئەنجام دراوە ئەوەندە توند و دڕندانە بووە کە تەشەنوجی کردووە و دوابەدوای ئەوە گوێزراوەتەوە بۆ نەخۆشخانە.
ئەوە لە کاتێکدایە کە شارۆچکەنشینانی زایۆنی ڕۆژی ڕابردوو دیسان بە پشتیوانی تۆکمە و تەوایو هێزەکانی پۆلیسی ڕژێمی ئیسراییل هێرشیان کردە سەر سەحنەکانی مزگەوتی ئەقسا لە لایەن بابولموغاربەوە.
سەربازانی زایۆنیش سەرلەبەیانی ڕۆژی پێنجشەممە بە هێرش کردنە سەر شارۆچکەکانی ئەلخەلیل، نابلۆس، جەنین و تولکەرم لە کەرتی ڕۆژاوا، ١٦ فەلەستینییان قۆڵبەست کرد.
زایۆنییەکان بۆ گەیشتن بە ئامانجە پاوانخوازانەکانیان هەموو ڕۆژێ هێرش دەکەنە سەر ناوچە جۆربەجۆرەکانی فەلەستین و فەلەستینییەکان قۆڵبەست دەکەن.
ڕژێمی زایۆنی هەوڵ دەدات بە وەبن گوشار نانی شاروومەندانی فەلەستینی ئەو خەڵکە ناچار بە ڕاگرتنی ئینتیفازە و بەجێهێشتنی وڵات و زێدی خۆیان بکات.
