تێکهەڵچوونی سەربازانی زایۆنی و شارومەندانی فەلەستینی لە یازدەهەمین "هەینیی تووڕەیی"
لەیازدەهەمین هەینیی تووڕەیی، لاوانی فەلەستینی لەگەڵ سەربازانی رژیمی زایۆنیستی لە دەروازە باکوورییەکانی شاری ئەلبیرە، لە لێواری رۆژاوای چۆمی ئۆردۆن، تێکهەڵچوون.
بەپێی ڕاپۆری کەناڵی ئەلعالەم، سەربازانی ئیسرائیلی دوێنێ هەینی، ١٢ گەنجی فەلەستینیان بەتۆمەتی بەرد تێگرتن و تێگرتنی کۆکتێل مۆلۆتۆف بەرەو گەشت لێدەرانی ئەو رژیمە لە لێواری رۆژاوای چۆمی ئۆردۆن، قۆڵبەست کرد و ژمارێک لە فەلەستینییەکانیان بریندار کرد.
پاش بڕیاری شەشی دیسەمبەری٢٠١٧ی دۆناڵد ترەمپ سەرۆک کۆماری ئەمریکا لەمەڕ ڕاگەیاندنی قودس وەک پایتەختی رژیمی زایۆنی، بۆ چەند حەوتەی بەدوای یەک لە رۆژانی هەینی، شارە جیاجیاکانی فەلەستین لە لێواری ڕۆژاوای چۆمی ئۆردۆن و کەرتی غەززە شایەتی ناڕەزایەتی دەربڕین و خۆپێشاندانە دژە زایۆنی و ئەمریکییەکانە.
لەو تێکهەڵچوونانەدا تائێستا دەیان فەلەستینی شەهید بوون.
کەناڵی ئەلعالەم هەروەها ڕایگەیاند، تێکهەڵچوونی نێوان فەلەستینیان و سەربازانی رژیمی زایۆنی لە ناوچەی«جبل القعده» لە شارۆچکەی بەیت فوریک لە لێواری رۆژاوای چۆمی ئۆردن دەس پێ بوو.
زایۆنییەکان بۆ دەسخستنی ئامانجە پاوانخوازانەکانیان هەر رۆژ هێرش دەکەنە سەر ناوچە جیاجیا فەلەستینییەکان و فەلەستینیان دەگرن.
رژیمی زایۆنیستی هەوڵ دەدا بەلەگوشارنانی شارومەندانی فەلەستینی، ئەوان ناچار بکا بەڕاگرتنی ئینتفازەو جێهێشتنی زێدو نیشتمانیان.
