پەلاماری ئاسمانیی رژێمی زایۆنی بۆسەر باشووری رەفەح
فڕۆکە جەنگیەکانی رژێمی زاِیۆنی سەرلەبەیانیی ئەمڕۆ دوشەممە بە دە موشەک دایان لە چەند ناوچەیەک لە شاری رەفەح لە باشووری کەرتی غەززە .
بەپێی راپۆرتی هەواڵدەریی فارس ، بە گێڕانەوە لە سەرچاوە فەلەستینیەکان ، هاوکات لە گەڵ شەوبگیرەکان لە لێواری رۆژاوای چۆمی ئەردەن ، پەلاماری فڕۆکە ئیسراییلیەکان بۆسەر ژێرخانەکانی باشووری کەرتی غەززە بە مەبەستی تێکشکاندنی تونێلە نوێکانی موقاوەمەی فەلەستین ، زیانی قورس گەیشت بە کێڵگەکانی گەڕەکی نەهزە لە شارۆچکەی شوکە لە رۆژهەڵاتی شاری رەفەح .
شەوی رابردوو ، رژێمی زایۆنی رایگەیاند موشەکێک بەرەو شارۆچکەی سەدیرووت لە باکووری رۆژهەڵاتی کەرتی غەززە هاویژراوە بەڵام زیانی نەبووە .
سەرلەبەیانی ئەمڕۆ لەشکەریانی رژێمی زایۆنی لانیکەم شازدە فەلەستینیان لە چەندین ناوچەی لێواری رۆژاوای چۆمی ئەردەن گرت .
لە شەشی دیسامبری 2017 وە کە دۆناڵد تڕەمپی سەرۆکی ئەمریکا قودسی وەک پێتەختی رژێمی زایۆنی بە فەرمی ناسی ، تاوانکاریەکانی ئەم رژێمە دژی فەلەستینیەکان زیاتر بووە .
