دەسگیر کرانی دوو تاقمی هەواڵی فەلەستینی لەلایەن ڕژێمی زایونیەوە
وەزاڕەتی زانیاری گەیاندنی فەلەستین ڕایگەیاند سەربازانی زایۆنی ڕۆژی سێشەممە دوو تیمی هەواڵی فەلەستینیان لە ڕۆخی خۆرئاوایی چۆمی ئەردەن دەسگیر کرد.
بە پێی ڕاپۆرتی هەواڵدەری مێهر بە گیڕانەوە لە ماڵپەڕی هەواڵی میسریی ئەلیەوم ئەلسابیع دامەزراوەی خۆبەڕێوەبەری فەلەستین ڕایگەیاند سەربازانی ڕژێمی زایونی دوو تاقم لە هەواڵنێرانی هەواڵدەری فەلەستین وەفا ودەفتەری تەلەفیزیۆنی فەلەستیانیان لە پارێزگەی توباس لە باکووری ڕۆخی خۆرئاوایی چۆمی ئەردەن دەسگیر کرد. بە پێی ئەم ڕاپۆرتە ، کردەوەی ڕژێمی زایونی لە چوارچیوەی تەشەنای کردەوەکانی دژە فەلەستینی لەدژی میدیاکان کەئەرکی بڵاوکرانەوەی جەنایەتەکانی ئەم ڕژێمەیان هەیە ، ئەنجامی گرتووە وڕژێمی داگیرکەری قودس دەێهەوێ بە بەدی هێنانی شوپۆلی ورۆژاندن وڕەگەز پەرەستانە لەمپەری بڵاوکرانەوەی جەنایەتی ڕژێمی زایونی بێت.
وەزاڕەتی زانیاری گەیاندنی فەلەستین لە یەکیەتی نێودەوڵەتی هەوالنێران وڕێکخراوی هەواڵنێرانی بێ سنوور داوای کرد بۆ پشتیوانی لە هەواڵنێرانی فەلەستینی کردەوە پێشان بدەن ولەدژی ئیسراییل بە هۆی جەنایەتە بەردەوامەکان لە حەقی هەواڵنێرانی فەلەستینی کردەوەی مافەوانی ئەنجام بدەن.
فەلەستین هەروەها لە ئەنجومەنی ئاسایشتی ڕێکخراوی نەتەوەکان داوای کرد لە پێناوی بڕیارنامەی بیست ودوو بیست ودووی ئەنجومەنی ئاسایش لە بارەی پشتیوانی لە هەواڵنێران لەدژی ئیسراییل کردەوە پێشان بدات وئیزن نەدات کە ئەم ڕژێمە لە سزادران هەڵبێت.
پاس ئەمەیش لێژنەی پشتیوانی لە هەواڵنێرانی فەلەستینی بەناردنی نامەیەک بۆ لێژنەی نێودەوڵەتی خاچی سووری ڕایگەیاند سەربازانی ڕژێمی زایونی بە پاماڵ کردنی ڕێککەوتننامەکان وپەیمان نامەکانی نێودەوڵەتی ، دەس ئەدەن بە دەسگیر کرانی هەواڵنێرانی فەلەستینی .
بە پێی ڕاپۆرتی لێژنەی پشتیوانی لە هەواڵنیرانی فەلەستینی ، دەیان هەواڵنیری فەلەستینی لە زیندانەکانی ڕژێمی زایونی لەزیندان دان ، ڕژێمی زایونی بۆ سەرپوش دانان لەسەر جەنایەتەکانی خۆی، هەوالنێرانی فەلەستینی دەسگیر دەکات.
