درێژەی دەستدرێژییەکانی عەرەبستان بۆسەر یەمەن/کوژرانی پێنج کەسی سیڤیل
لە پەلاماری شەوی چوارشەممەی فڕۆکەجەنگییەکانی ڕژێمی سعودی بۆسەر پارێزگەی تەعزی یەمەن، پێنج کەسی سیڤیل کوژراون.
بەپێی ڕاپۆرتی ئیرنا، فڕۆکە جەنگییەکانی ڕژێمی سعودی لۆرییەک و خەڵکی سیڤیلیان لە جاددەی وازعییە بەرەو شاری مەقبنە لە پارێزگەی تەعزی یەمەن داوەتەبەر پەلامار کە بە هۆیەوە پێنج کەسی سیڤیل کوژراون .
ئەم دواییە پەلامار بۆسەر خەڵکی سیڤیل لە شارەلێوارەییەکانی پارێزگەی تەعز پەرەی سەندووە و تائێستا دەیان کەس کوژراون و بریندار بوونە.
یەکەی مووشەکیی سوپا و لیژنەکانی جەماوەریی یەمەن لە وڵامی پەلامارەکانی ڕژێمی سعودی ، لە ئۆپراسیۆنێک دا ژومارێکی زۆر لە بەکرێگیراوانی عەرەبستانییان لە پارێزگەی سەعدە کوشت و یان برینداریان کرد.
عەرەبستان بە داکۆکیی ئەمریکا لەساڵی 2015 پەلاماری کردەسەر یەمەن و دواجار ئەم وڵاتەی لە زەوی و دەریا و ئاسمانەوە گەمارۆ دا .
شەڕخوازییەکانی عەرەبستان لەیەمەن تائێستا بووەتە هۆی کوژران و بریندار بوونی دەیان کەس و ئاوارە بوونی بە ملوێنان یەمەنی.
هێزی یەمەنیش لە کاردانەوە بەرامبەر پەلاماری دەستدرێژکاران، بنکە و بارەگاکانی ڕژێمی ئالی سعود و بەکرێگیراوانی ئەوان لە یەمەن و لە ناوخۆی خاکی عەرەبستان دەدەنەبەر پەلامار .
