وڵامی هێزە جەماوەریەکانی یەمەن بە دەسدرێژکاریەکانی هاوپەیمانیی دەسدرێژکاری سەعوودیایی
بزووتنەوەی جەماوەریی ئەنساڕۆڵڵای یەمەن باسی لە وەبەرپەلاماردانی تانکێکی عەرەبستان و کوژرانی چەند سەربازێکی سەعوودیایی کرد لە دەڤەریی نەجرانی ئەو وڵاتە.
بە گوێرەی ڕ اپۆڕتی ڕۆژی یەکشەمەی هەواڵدەریی خوێندکارانی ئێرانی ئیسنا بە گێڕانەوە لە هەواڵدەریی سەبا " ئەو تانکە بە مووشەکێکی کونتڕۆڵ کراو لە باشووری عەرەبستان کەوتە بەر پەلامار . هەروەها سەرچاوە سەربازیەکان لە یەمەن ڕایانگەیاند لە پەلاماری تۆپخانەیی هێزەکانی یەمەنی سێ بنکەی ئەرتەشی عەرەبستان لە ناوچەی جازان لە باشووری عەرەبستان لە لایەن ئەرتەش و هێزە جەماوەریەکانی یەمەن پەلامار درا و بە دوای ئەوە ژۆمارێک لە سەربازانی سەعوودی کوژران . بولدزێرێکی سەربازیی عەرەبستانیش بە مووشەکێک لە بنکەی ئەلمەحڕووق لە ناوچە سنووریەکانی ئەو وڵاتە لە گەڵ یەمەن لەناو چوو . هێزە یەمەنیەکان لە کاردانەوە بە پەلامارەکانی دەسدرێژکارانی هاوپەیمانیی سەعوودی بنکە و مەتەرێزەکانی ڕژیمی ئالی سەعوود و بەکرێگیراوانی لە یەمەن و لە ناوخۆی خاکی عەرەبستان ئەدەنە بەر پەلامار . عەرەبستان بە لاگریی ئەمریکا ئیمارات و چەن وڵاتی دیکە لە مارسی 2015وە دەستی داوەتە دەسدرێژکاری سەربازی بۆ سەر یەمەن و گەمارۆی زەوینی دەریایی و ئاسمانی ئەو وڵاتە شەڕنانەوەی عەرەبستان و هاوپەیمانەکانی لە یەمەن تا ئێستا بووەتە هۆی کوژرانی زیاتر لە 14 هەزار یەمەنی بریندار بوونی دەیان هەزار کەس و ئاوارە بوونی ملوێنان یەمەنی .
