بانگەشەی ڕیاز: حوسییەکانی بە مووشەکی ئێرانی خاکی عەرەبستان دەپێکن
نوێنەری هەمیشەیی عەرەبستان لە نەتەوە یەکگرتووەکان لە کۆبوونەوەی نائاسایی ئەنجومەنی ئاسایشدا بانگەشەی کرد: حوسییەکان مووشەکی سازکراو لە ئێران بەرەو خاکی عەرەبستان دەتەقێنن.
بە پێی راپۆرتی هەواڵدەریی ڕادیۆ و تەلەڤزیۆنی ئێران؛ "عەبدوڵلا موعەلمی" نوێنەری هەمیشەیی عەرەبستان لە ڕێکخراوی نەتەوەکان لە کۆبوونەوەی نائاسایی ئەنجومەنی ئاسایش سەبارەت بە لێکدانەوەی باروودۆخی ڕۆژهەڵاتی ناڤین و بەتایبەت غەززە و چیاکانی جەولان وتی: حوسییەکان مووشەکیی سازکراو لە ئێران بەرەو خاکی عەرەبستان دەتەقێنن و ئەوەی لە دەستیان بێ دەیکەن بۆ ئەوەی پێش بە دامەزراندنی ئاشتی و ئاسایش لە یەمەن بگرن.
موعەلمی سەبارەت بە ڕووداو و گۆڕانکارییەکانی یەمەنیش بە لەبەرچاو نەگرتنی جەنایەتەکانی بەناو هاوپەیمانی سەعوودی لەم وڵاتەدا وتی: بێ گومان بۆ ڕزگار بوونی یەمەن تەنیا یەک ڕێگا هەیە و ئەویش بڕینی دەستی حوسییەکان (بزووتنەوەی ئەنساروڵلا) لەم وڵاتەیە.
دەسەڵاتی بەرەڤانیی سوپا و لێژنە جەماوەرییەکانی یەمەن وێڕای ئەوەی ئەم وڵاتە لە لایەن ڕژێمی سەعوودییەوە گەمارۆیەکی هەمەلایەنە دراوە بەڵام توانای بەرەڤانیی یەمەنییەکان ڕۆژ لە دوای ڕۆژ زیاتر پەرە دەستێنێ.
ڕژێمی سەعوودی و هاوپەیمانەکانی تا ئێستا لەبەر خۆڕاگریی خەڵکی یەمەن نەیانتوانیوە بگەنە ئامانجەکانیان لەم وڵاتەدا کە هەمان دەسەڵات گرتنە دەستی کەسانی دەسنیا و دارەدەستە..
