ڕێژەی قوربانیانی نەخۆشی کولێرا لە یەمەن گەیشتە ٢٥٠٨ کەس
وەزارەتی تەندروستیی یەمەن دوێشەو (سێ شەممە) ڕایگەیاند، ژماری قوربانیانی نەخۆشیی "کولێرا" لە وڵاتەکەی گەیشتۆتە ٢٥٠٨ کەس.
بەپێی ڕاپۆری هەواڵدەریی فارس، وەزارەتی تەندروستیی یەمەن ڕایگەیاند، نەخۆشیی کولێرا لە بیست پارێزگای ئەو وڵاتە پەرەی سەندووە.
ڕێکخراوی نەتەوە یەکگرتووەکان ٢٤ی ئاگۆست لەبەیاننامەیەکدا ژماری تووشبووان بە نەخۆشیی کولێرا لە یەمەنی ملوێنێک و سەت هەزار کەس ڕاگەیاندبوو.
بەهۆی بەردەوامی پەلامارەکانی عەرەبستان بۆسەر یەمەن و وێرانبوونی دامەزراوە ژێرخانییەکانی ئەو وڵاتە بەتایبەت تۆڕی گەیاندنی ئاو، نەخۆشی کولێرا لە یەمەن، لە پەرەسەندن دایە.
عەرەبستان بەپاڵشتی ئەمریکا، ئیمارات و چەند وڵاتی دیکە، لەمارسی٢٠١٥ـەوە هێرشی کردۆتە سەر یەمەن و هاوکات ئەو وڵاتەی گەمارۆی زەوینی، دەریایی و ئاسمانی داوە.
شەڕخوازیی عەرەبستان و هاوپەیمانەکانی لە یەمەن تائێستا کوژرانی پتر لەچواردە هەزار کەس و برینداربوونی دەیان هەزار کەس و ئاوارەبوونی بەملوێنان یەمەنی لێکەوتووەتەوە.
رژیمی سەعوودی و هاوپەیمانانی تائێستا لەبەر خۆڕاگریی خەڵکی یەمەن نەیانتوانیوە ئامانجەکانیان (بەدەسەڵات گەیاندنی بەکرێگیراوان) لەو وڵاتە مسۆگەر بکەن.
