خۆپێشاندانی ناڕازیانی یەمەنی دژبە دەسدرێژکارانی سەعوودیایی لە ڕۆژهەڵاتی یەمەن
ناڕازییانی یەمەنی لە پارێزگای "موهرە"ی ڕۆژهەڵاتی یەمەن بۆ دەربڕینی ناڕەزایەتی بە درێژەی دەسدرێژکاریی هاوپەیمانیی سەعوودیاو ئیمارات دژبە ئەو وڵاتانە خۆپێشاندانیان وەڕێ خست.
بەپێی راپۆری هەواڵدەریی ئیرنا، خۆپێشاندەرانی یەمەنی دوێشەو(سێ شەممە) لە "ئەلموهرە" بەدانی دروشم لەدژ عەرەبستان وئیمارات، پەلامارەکانی هاوپەیمانیی سەعوودی بۆسەر خەڵکی بێتاوانی یەمەنیان شەرمەزار کردو بە دەسدرێژییەکی ئاشکرایان ناوبرد.
بەپێی ئەو ڕاپۆرە، لە پەلامارەکانی دەسدرێژکارانی سەعوودی بۆسەر شارەکانی "ئەلزوبەید" و"تەحتیا" ی سەر بە پارێزگای حودەیدەی یەمەن، چەند کەسی سیڤیل بۆ وێنە، چەند منداڵ کوژران یان بریندار بوون.
کەناڵی تەلەفزیۆنیی ئەلمەسیرەش ڕاپۆری دا؛ فڕۆکە جەنگییە دەسدرێژکارە سەعودییەکان، پاسگەی"ئەلجمهوریە" لەباکوری شاری سەعدەی پایتەختی یەمەنیان، بۆردومان کرد.
لەهەمان کاتدا، بزووتنەوەی ئەنساروڵڵای یەمەن بەڕاگەیاندنی هەواڵی خستنەخوارەوەی فڕۆکەیەکی سیخوڕیی سەربە هاوپەیمانیی دەسدرێژکاری سەعوودی لە لێوارە رۆژاواییەکانی یەمەن، ڕاشیگەیاند؛ بنکەو بارەگاکانی ئەو هاوپەیمانییەی بە مووشەک پێکاوە کە بەهۆیەوە، ١٦بەکرێگیراوی سەعوودی کوژراون و بریندار بوون.
سوپاو لێژنە جەماوەریەکانی یەمەن هەروەها پێگەی دەسدرێژکاران لە رۆژاوای "جەبەلیە"ی سەر بەپارێزگای حودەیدەیان بۆردومان کرد کە لەو ئۆپراسیۆنەشدا ژمارێک لە دەسدرێژکاران کوژران ویان بریندار بوون و زەبری قورس کەوت لە چەکئامێر و ئۆتۆمبیلە جەنگییەکانیان.
عەرەبستان بەپاڵشتی ئەمریکا، ئیمارات و چەند وڵاتی دیکە، لەمارسی٢٠١٥وە هێرشی کردۆتە سەر یەمەن و هاوکات ئەو وڵاتەی گەمارۆی زەوینی، دەریایی و ئاسمانی داوە.
شەڕخوازیی عەرەبستان و هاوپەیمانەکانی لە یەمەن تائێستا کوژرانی زیاتر لەچواردە هەزار کەس ، برینداربوونی دەیان هەزار کەس و ئاوارەبوونی بەملوێنان یەمەنی لێکەوتووەتەوە.
