هەڵمەتی هێزە یەمەنییەکان لەدژ بنکەو بارەگای بەکرێگیراوانی سەعودی لە "حودەیدە"و "نهم"
سوپاو هێزە جەماوەرییەکانی یەمەن بەپەلامارکردنەسەر پێگەکانی بەکرێگیراوانی سەعودی، دەیان کەس لە دەسدرێژکارانیان کوشت.
بەپێی ڕاپۆری ئەمڕۆ شەممەی کەناڵی ئەلعالەم؛ هێزە یەمەنییەکان بەهێرش کردنەسەر پێگەکانی بەکرێگیراوانی سەعودی لە شاری "حیس"ی سەر بە پارێزگای"حودەیدە" لە ڕۆژاوای یەمەن، و بەرزاییەکانی "التباب السود" لە شاری "نهم" ی پارێزگای سەنعا، هێرشیان کردەسەر پێگەکانی دەسدرێژکارانی سەعودی.
بەپێی ئەو ڕاپۆرە، لە پەلاماری فڕۆکە جەنگییە دەسدرێژکارە سەعودیەکان بۆسەر ئۆتۆمبیلێک لەناوچەی "بەنی حەسەن ئەستان" لە پارێزگای حەججە دوو کەس کوژران و کەسێکیش بریندار بوو.
لەهەواڵێکی دیکەدا، و لەکاتێکدا کە دەوڵەتی نەجاتی نیشتمانیی یەمەن سەربە ئەنساروڵڵا ڕایگەیاندووە، ئامادەی هاوکاری لەگەڵ پشکێنەرانی ڕێکخراوی نەتەوەکانە، حکومەتی لەکارکشاوەی یەمەن ڕایگەیاند، لەگەڵ شاندی لێکۆڵینەوە لەبارەی تاوانە جەنگییە ئەنجامدراوەکان لەو وڵاتە، هاوکاری ناکا.
ئەنجومەنی مافی مرۆڤی ڕێکخراوی نەتەوەکان رۆژی هەینی فەرمانبەرێتی لێژنەی لێکۆڵینەوە لەمەڕ تاوانە جەنگییە ئەنجامدراوەکان لە یەمەنی سەرباری نەیارەتی عەرەبستان وهاوپەیمانانی، درێژ کردەوە.
رژیمی سەعوودیا بەپاڵپشتی ئەمریکاو لەسای بێ دەنگەی ڕێکخراوی نەتەوەکان لەمارسی٢٠١٥وە دەستی کرد بە دەسدرێژیی سەربازی بۆسەر یەمەن وگەمارۆی زەوینی، دەریایی و ئاسمانیی ئەو وڵاتەی داوە بەبیانووی گەڕاندنەوەی عەبد ڕەببە مەنسور هادی سەرۆک کۆماری لەکارکشاوەی یەمەن بۆسەر دەسەڵات.
شەڕخوازیی عەرەبستان و هاوپەیمانەکانی لە یەمەن تائێستا کوژرانی زیاتر لەچواردە هەزار کەس ، برینداربوونی دەیان هەزار کەس و ئاوارەبوونی بەملوێنان یەمەنی لێکەوتووەتەوە.
