پەلاماری سەعوودییەکان بۆ سەر هێزە یەمەنییەکان لە باشووری عەرەبستان ناکام مایەوە
هێزەکانی سوپا و لێژنە جەماوەرییەکانی یەمەن شەوی ڕابردوو بۆ دووەم جار ئۆپەراسیۆنی هێزە سەربازییەکانی سەعوودی لە دەڤەری "نەجران" هەڵکەوتوو لە باشووری عەرەبستانیان بەرپەرچ دایەوە و ژمارێک لە سەعوودییەکانیان کوشت.
بە پێی راپۆرتی ماڵپەڕی ئەلمەسیرەی یەمەن؛ ئۆپەراسیۆنی هێزە سەربازییەکانی سەعوودی تەنیا چەن کاژێرک پاش یەکەم ئۆپەراسیۆنیان جێبەجێ کرا کە بە بێ هیچ پێشڕەوییەک و بە پێچەوانەوە بە تیاچوونی کەرەستە جەنگییەکانیان و کوژران و بریندار بوونی ژمارێک لە هێزەکانیان ڕاگیردرا.
یەکەی مووشەکیی سوپا و لێژنە جەماوەرییەکانی یەمەنیش شەوی ڕابردوو بە مووشەکێکی بالستیکی خۆجیی، مەکۆی بەکرێگیراوانی سەعوودیی لە پارێزگای "حەجە" (باکووری ڕۆژاوای یەمەن) دایە بەر پە لامار.
فڕۆکەی بێ فڕۆکەوانی یەمەنییەکانیش ڕۆژی شەممە هێرشی کردە سەر بنکەی فەرماندەرێتیی هێزەکانی ئیماراتی لە قەراخ ئاوەکانی ڕۆژاوای یەمەن.
عەرەبستان بە داکۆکیی ئەمریکا ، ئیمارات و چەن وڵاتی دیکە لە مارسی ٢٠١٥ـەوە بە پەلاماری سەربازی بۆ سەر یەمەن ، گەمارۆی زەوینی، دەریایی و ئاسمانی ئەم وڵاتەی داوە . ئەم دەسدرێژییە سەربازییە تا ئێستا بۆتە هۆی کوژرانی پتر لە چواردە هەزار کەس، بریندار بوونی دەیان هەزار کەس و ئاوارە بوونی بە ملوێنان یەمەنی دیکە و هەروەها تیاچوونی زۆربەی ژێرخانەکانی ئەم وڵاتە.
دەسدرێژیی سەربازیی عەرەبستان هەروەها وڵاتی هەژار و دەسکورتی یەمەنی بەرەوڕووی کەمبوونی نالەباری خۆراک و دەرمان کردۆتەوە و بۆتە هۆی پەرە سەندنی زۆر نەخۆشی و پەتایەکی نالەبار لەم وڵاتەدا.
