کوژرانی حەوت کەسی سیڤیل لە پەلاماری فڕۆکە جەنگییەکانی عەرەبستانی سعودی بۆسەر حەججەی یەمەن
تشرینی یه‌که‌م 21, 2018 20:46 Asia/Tehran
فرۆکە جەنگییەکانی هاوپەیمانی سعودی بە بۆردومان کردنی ئوتوموبیلێکی سیڤیل لە پارێزگەی حەجە لە ڕۆژاوای یەمەن، حەوت کەسی سیڤیلیان کوشت و ژومارێکیشیان بریندار کرد.
بەپێی ڕاپورتی هەواڵدەریی فارس، ئەم بوردومانە بەیانی ئەمڕۆ یەکشەممە لە ناوچەی بەنی حەسەن لەشاری عەبەس ی پارێزگەی حەججە ڕووی دا .
چەند کاتژمێر لەمەوبەریش فڕۆکە جەنگییەکانی سعودی شاری حاکی لە پارێزگەی حودەیدەیان بوردومان کرد کە بە هۆیەوە پێنج کەس لە دانیشتوانی ئەم شارە کوژران و ژومارێکیش بریندار بوون .
ئەمەش لەحاڵێکدایە کە یەکەی مووشەکیی سوپا و لیژنەکانی جەماوەری یەمەن ڕۆژی شەممە بە هاویشتنی مووشەکی زلزالی یەک بۆ شوێنی کۆبوونەوەی هێزی سعودی لە ڕۆژاوای شاری حەیران لە پارێزگەی حەجە، خەسارێکی گیانی وماڵی زۆری لەوان داوە.
