فڕۆکە شەڕکەرەکانی دەسدرێژکاری سەعودی شارەکانی سەنعا و سەعدەیان لە یەمەن دایە بەر پەلامار.

بە پێی ڕاپۆرتی هەواڵدەری سەدا وسیما ، فڕۆکە شەڕکەرەکانی دەسدرێژکارانی سەعودی بەیانی ئەمڕۆ دوشەممە ناوچەی ئەلساقیە ی سەربە شارستانی ئەلغیل یان لە پارێزگەی ئەلجوف ، لەباکووری یەمەن دایە بەر پەلاماری خۆیان . فڕۆکە شەڕکەرەکانی هاوپەیمانی سەعودی هەروەها دووجار ناوچەی ئەلعادی لە شارستانی خولان ، باشووری ڕۆژهەڵاتی سەنعا وهەروەها پارێزگەی سەعدەیان لە باکووری یەمەن بومباران کرد. شاری سنووری جیزانیش زۆرجار لە لایەن دەسدرێژکارانی سەعودی کەوتە بەر پەلامار. عەرەبستان بە پشتیوانی ئەمریکا ، ئیمارات وچەند وڵاتی تر بە بیانووی گەڕاندنەوەی ، عەبد ڕەبە مەنسور هادی" سەرۆک کۆماری لەسەرکار لابراوی یەمەن لە مارسی ٢٠١٥ دەستی کردووە بە دەسدرێژی سەربازی بۆ سەر یەمەن و گەمارۆی زەوینی ، دەریایی و ئاسمانی ئەم وڵاتە . شەڕخوازیەکانی عەرەبستان وهاوپەیمانەکانی لە یەمەن هەتا ئێستاکە بووە هۆی کوژرانی هەزاران یەمەنی ، برینداربوونی دەیان هەزار کەس وئاوارەبوونی ملیۆنان یەمەنی . دەسدرێژی سەربازی عەرەبستان هەروەها وڵاتی هەژاری یەمەنی لەگەڵ کەمبوونی زۆری مادەی خواردەمەنی ودەرمانی ڕووبە ڕوو کردووەتەوە.