پەرە سەندنی پەلامارەکانی هاوپەیمانی سەعوودی بۆ سەر ناوچە جۆربەجۆرەکانی یەمەن
هاوپەیمانی دەسدرێژکاری سەعوودی چەن پارێزگایەکی یەمەنی داوەتە بەر پە لاماری ئاسمانی، تۆپخانەیی و مووشەکی.
بە پێی ڕاپۆرتی هەواڵدەریی فارس؛ هاوپەیمانی سەعوودی ڕۆژی پێنجشەممە چەن پەلاماری ئاسمانی کردە سەر پارێزگای حەدیدە لە ڕۆژاوای یەمەن کە بووە هۆی ئەوەی زەبر و زیانێکی قورس بکەوێ لە ماڵ و سامانی خەڵکی ئەو ناوچەیە.
فڕۆکە جەنگییەکانی هاوپەیمانیی سەعوودی هەروەها ناوچەی "الحمزات"ی شاری "سەحار"ی پارێزگای سەعدە لە باکووری یەمەنیان بۆردومان کرد و چەن ناوچەیەکی شاری "ڕازح"یش وەبەر پەلاماری تۆپخانەیی و مووشەکیی دەسدرێژکاران کەوت.
فڕۆکە جەنگییەکانی هاوپەیمانی سەعوودی دوو پەلاماریشیان کردە سەر ناوچەی "ئەلفاخر" ی شاری "قەعتەبە"ی پارێزگای "ئەزالیع" هەڵکەوتوو لە باشووری یەمەن، پەلامارێک بۆ سەر شاری "ئەلغەیل" لە پارێزگای "ئەجەوف" لە باکووری یەمەن و ١١ پەلاماریش بۆ سەر شاری مەجرەز لە پارێزگای مەئاریب.
