فڕۆکە جەنگییەکانی ڕژێمی زایۆنی دیسان سنووری ئاسمانیی لوبنانیان بەزاند.

فەرماندەرێتیی سوپای لوبنان  ڕۆژی پێنجشەممە لە بەیاننامەیەکدا ڕایگەیاند شەش فڕۆکەی جەنگیی دەسدرێژکاری ئیسراییلی دەسدرێژییان کردۆتە سەر سنووری ئاسمانیی لوبنان و لە ئاسمانی ناوچە جۆربەجۆرەکانی ئەم وڵاتەدا لەوان ناوچە باشوورییەکان و ناوچەکانی بقاع غربی ، کفرکل، ناقوره و دەڤەری ئەو ناوچەیە گەشتیان لێداوە و پاشان گەڕاونەتەوە بۆ فەلەستینی داگیرکراو.

بڕیارنامەی ١٧٠١ی ئەنجومەنی ئاسایشی ڕێکخراوی نەتەوەکان کە پاش کۆتایی شەڕی ٣٣ ڕۆژە ی ئیسراییل لەگەڵ لوبنان لە ساڵی ٢٠٠٦ پەسەن کرا ، قەدەغەی کردووە ڕژێمی زایۆنی هەرچەشنە کردەوەیەکی دوژمنکارانە دژ بە لوبنان ئەنجام بدات، بەڵام ئەم ڕژێمە بە بێ ئاوڕدانەوە لەو بریارنامەیە بەردەوام سنووری ئاسمانی، زەوینی و دەریایی لوبنان دەبەزێنی.

لوبنان بەجاران لای ئەنجومەنی ئاسایشی ڕێکخراوی نەتەوەکان و کۆڕە نێودەوڵەتییەکان خوازیاری کۆتایی هێنان بە دەسدرێژییەکانی ڕژێمی زایۆنی بووە.