کوژرانی دەیان پەیامنێر لە شەڕی یەمەندا
May 03, 2020 13:48 Asia/Tehran
بزووتنەوەی ئەنساروڵڵای یەمەن رایگەیاند ، لە پێنج ساڵی رابردوودا 290 ھەواڵنێری مەیدانەکانی شەڕ لە ئەنجامی پەلامارەکانی عەرڕەبستانی سعودی دا کوژراون .
بە پێی راپۆرتی ھەواڵدەریی فارس ، بزووتنەوەی ئەنساروڵڵای یەمەن راشیگەیاند ، ھاوپەیەمانیی سعودی لە 5 ساڵی رابردوودا 23 ناوەندی مێدیایی تێکڕووخاندووە و لە 30 جاردا ئێزگەکانی پەخش و ناردنی دەنگوباسی بۆردومان کردووە .
ئەنساروڵڵای یەمەن جەختی کردەوە ، ژماری کوژراوانی مێدیای نیشتمانیی سەر بە حکومەتی رزگاریی نیشتمانیی لە سەنعاش 45 کەس و ژماری بریندارەکانیش زیاتر لە 25 کەس بووە .
