ڕۆژنامەی ھائارێتس : مووشەکەکانی سپای ئێران ناوەندی سیخوڕیی ئیسرائیل لە هەولێریان تێکشکاند
ئادار 13, 2022 23:42 Asia/Tehran
ڕۆژنامەیەکی زایۆنیستی دانی بەوەدا نا کە مووشەکەکانی سپای ئێران ناوەندی سیخوڕیی ئیسرائیل لە هەولێریان تێک شکاندووە.
بە پێی راپۆرتی ئاژانسی هەواڵی مێهر، ڕۆژنامەی زایۆنیستی هائارێتس ئەمڕۆ بە بڵاوکردنەوەی بابەتێک دانی نا بە سەرکەوتوو بوونی ئۆپەراسیۆنی مووشەکیی سپای پاسداران لە هەولێر .
بە گوێرەی ئەم راپۆرتە ئەم رۆژنامەیە رایگەیاندووە مووشەکەکانی سپای پاسدارانی ئێران ناوەندی سیخوڕیی ئیسرائیل لە هەولێریان تێک شکاند و ناوەندە گرینگەکانی ئیسرائیل لە هەولێریان کردە ئامانج.
هەروەها نووسیویە: مووشەکەکانی سپا زۆر ناوەندی گرینگی ئیسرائیل لە هەولێریان کردە ئامانج و خەساری زۆریان لەو شوێنانە داوە.
