سەید حەسەن نەسروڵڵا: بە خێرایی وڵامی هەر چەشنە هێرشێکی ئیسرائیل دەدەینەوە
ئەمینداری گشتیی حزبوڵڵای لوبنان لە وتەیەک دا سەبارەت بە رۆژی جیهانیی قودس رایگەیاند کە وڵامی توند بە هەر چەشنە هەرەشەیەکی رژێمی زایۆنی ئەدەینەوە.
بە پێی ڕاپۆرتی ئاژانسی هەواڵی مێهر، سەید حەسەن نەسروڵا ئەمینداری گشتیی حزبوڵڵای لوبنان وتی: سڵاو لەو هەزاران فەلەستینییە کە لە نوێژی هەینی مزگەوتی ئەقسا ئامادە بوون.
وتیشی: بەرپرسانی رژێمی زایۆنی شکست هێنانی خۆیان بەم شێوە پاساو ئەدەنەوە کە کەسێکی فەلەستینی کاتێک بریار دەدات و پلانرێژی دەکات و ئۆپراسیۆنی چەکداری ئەنجام دەدات دەزگا ئەمنییەکان ناتوانن بیدۆزنەوە و ئەمە لاوازیی ئەم رژێمە زایۆنییە نیشان دەدات.
جەختیشی کردەوە :دەبێ رەوتی ئاسایی کردنەوەی پەیوەندی لە گەڵ ئیسرائیل بوەستێندرێت و ئەوەی بەرەو ئاسایی کردنەوە دەروات ئیدانە بکرێت و مونافقانە ترین هەڵوێست کە ئێستا دەبینرێت ئەوەیە کە وڵاتانی کەنداوی فارس دەڵێن ئاسایی کردنەوەی پەیوەندی لە گەڵ ئیسرائیل لە بەرژەوەندی گەلی فەلەستینە.
