دیداری باڵوێزی ئێران و عەرەبستان لە عومان
May 11, 2023 19:28 Asia/Tehran
باڵوێزی کۆماری ئیسلامیی ئێران و عەرەبستان لە عومان لە بارەی بابەتەکانی جێی سەرنجی ھەردووک وڵاتەکە پێکەوە دیدار و وتووێژیان کرد.
بە پێی ڕاپۆرتی هەواڵدەریی تەسنیم، «عەلی نەجەفی» باڵوێزی کۆماری ئیسلامیی ئێران لە عومان و «عەبدوڵڵا بن سعود ئەلعەنزی» باڵوێزی عەرەبستان لەو وڵاتە، سەبارەت بە هەندێک بابەتی دوولایەنە و ناوچەیی بیروڕایان ئاڵوگۆڕ کرد.
پێشتریش باڵوێزی ئێران و عەرەبستان چەندین جار لە مەسقەت دیدار و گفتوگۆیان لەگەڵ یەکتر کردبوو.
باڵوێزی عەرەبستان لە عومان هەروەها لە مەراسیمی بەربانگی باڵوێزخانەی ئێران لە مەسقەت لە دوای ڕێککەوتنی ئەم دواییەی نێوان ئێران و عەرەبستان بۆ دەستپێکردنەوەی پەیوەندییە سیاسییەکان بەشداری کردبوو.
