پەلاماری مووشەکی حیزبوڵڵا بۆ سەر بنکەی فەرماندەرێتیی بەرگریی ئاسمانیی ڕژێمی زایۆنی
حیزبوڵڵای لوبنان دەستی دایە مووشەکباران کردنی بنکەی فەرماندەرێتیی سیستەمی بەرگریی ئاسمانی و بنکەی مووشەکی و تۆپخانەیی سوپای ڕژێمی زایۆنی.
بزووتنەوە حیزبوڵڵای لوبنان، ئەمڕۆ لە بەیاننامەیەکدا رایگەیاند: لە ئاراستەی پاڵپشتیکردنی خەڵکی فەلەستین لە غەززە و هەروەها لە چوارچێوی کاردانەوە بە دەسدرێژییەکانی دوژمن بۆ سەر ناوچەی بوقاع، خەباتکارانی ئەم بزووتنەوەیە، بە دەیان مووشەک هێرشیان کردە سەر بنکەی فەرماندەرێتیی سیستەمی بەرگریی ئاسمانی و بنکەی مووشەکی سەربازخانەی "کیلەع" و بنکەی مووشەکی و تۆپخانەیی سوپای ڕژێمی زایۆنی لە ناوچەی "یو ئاف"دا.
هێزەکانی حیزبوڵلای لوبنان هەروەها دوو جار بنکەکانی ڕژێمی زایۆنییان لە جەولانی داگیرکراو دایە بەر هێرشی مووشەکی و تۆپخانەیی.
دوابەدوای هێرشی مووشەکیی هێزەکانی حیزبوڵلای لوبنان، خێرا دەنگی ئاژیری وشیارکەرەوە لە جەولانی داگیرکراو بەرز بوویەوە.
ژمارێک لە ژێدەرە هەواڵییەکانیش باسی تەقێندرانی لانیکەم چل مووشەک بەرەو ناوچەی جەولانی داگیرکراویان کردووە.