ئەندامی ئەنساروڵڵا: شەهیدان رەئیسی و ئەمیرعەبدوڵڵاهیان، ڕۆڵێکی گرینگیان بوو لە بەرەڤانیکردن لە خەڵکی یەمەن
ئەندامی مەکتەب سیاسیی ئەنساروڵڵا ڕایگەیاند، ئیبراهیم ڕەئیسی، سەرۆک کۆماری شەهیدو حوسێن ئەمیرعەبدوڵڵاهیان، وەزیری دەرەوەی شەهیدی ئێران، رۆڵێکی گرینگیان بوو لە پشتگریی لە ئارمانجی فەلەستین و بەرەڤانی لە خەڵکی یەمەن.
"فەزاڵ ئەبووتالب" ئەندامی مەکتەب سیاسیی ئەنساروڵڵا لە توئیتەردا نووسی: لەکاتی ئامادەبوونمان لە باڵوێزخانەی ئێران لە سەنعا، بۆعەرزی سەرەخۆشی، هاوڕێی شاندێک پێکهاتوو لە، موفتی کۆماری یەمەن، بەڕێوەبەری ئۆفیسی ئەمینداری گشتی و نووسینگەی سیاسیی ئەنساروڵڵا، لە دەفتەرێکدا کە لەوێ دانرابوو، نووسیمان:
"ماڵئاوایی لەژیانی ئیبراهیمی رەئیسی، سەرۆک کۆماری شەهیدو حوسێن ئەمیرعەبدوڵڵاهیان، وەزیری دەرەوەی شەهیدی ئێران، کارەساتێکی گەورەیە بۆ موسڵمانان. ئەو دوو شەهیدە، نمونەی پێشکەوتووی بەئاگابوون، چاودڵ ڕوونی و قەبووڵکردنی بەرپرسایەتی جەهادئاسای بەرەنگاربوونەوەی ئیستکباری جیهانی بوون و رۆڵێکی گرینگیان بوو لە پشتگریی کردنی ئارمانجی فەلەستین و بەرەڤانی لە خەڵکی یەمەن."
