خۆپیشاندانی خەڵکی سەعدەی یەمەن بۆ پاڵپشتی کردنی غەززە
دانیشتوانی پارێزگای سەعدەی یەمەن ئەمڕۆ هەینی بۆ پاڵپشتی کردنی خەڵکی غەززە هاتنە سەر شەقامەکان.
پارێزگای سەعدەی یەمەن ئەمڕۆ هەینی بوو بە گۆڕەپانی خۆپیشاندانی بەربڵاوی دانیشتووانی ئەم پارێزگایە بە درووشمی "هەڵوێستمان لەبارەی غەززە نەگۆڕە، بێ ئاست و بێ سنوورە." خۆپیشاندەران بە بە دەستەوە گرتنی ئاڵاکانی یەمەن، فەلەستین و لوبنان و هەروەها ئاڵاکانی ئازادی و خۆڕاگری و وێنەکانی شەهیدان، دەستیان دایە شەرمەزار کردنی ژینۆسایدی ئەمریکا و ڕژێمی زایۆنی دژ بە گەلی فەلەستین لە غەززە.
یەمەنییەکان دەسدرێژییەکانی دوژمنی زایۆنی و ئەمریکا دژ بە یەمەن و پەلاماردانی دامو دەزگە مەدەنییەکان لەم وڵاتەیان شەرمەزار کرد و داوایان لە هێزە چەکدارەکان کرد کە وەڵامی گورچکبڕ بدەنەوە بەو دەسدرێژییانە.
دانیشتوانی پارێزگای سەعدەی یەمەن داوایان لە ئۆمەتی عەرەبی و ئیسلامی کرد کە هەنگاوی بەبڕشتانە هەڵێنن لە پێناو ڕاگرتنی ئەو ژینۆسایدەی لە غەززە دەکرێ و هەروەها پیداگریشیان کرد لەسەر ئەوەی کە دەسدرێژییەکانی ڕژێمی زایۆنی، ئەمریکا و ئینگلیز هەرگیز نابێتە هۆی ئەوەی گەلی یەمەن لە پشتیوانی کردنی غەززە پاشگەز ببێتەوە. خۆپیشاندەرانی یەمەنی هەڵمەتەکەی هێزە چەکدارەکان و سەرکەوتنە سەربازییەکانیان لەم هێزانە پیرۆزبایی کرد. سوپای یەمەن سەرلەبەیانیی ئەمڕۆ (هەینی) هێرشێکی مووشەکی بۆ سەر ناوەڕاستی فەلەستینی داگیرکراو ئەنجام دا کە بووە هۆی بریندار بوونی ١٨ زایۆنی.
